තම අමාත්‍යාංශයේ හදිසි මිලදී ගැනීම් කටයුතු සඳහා වන ටෙන්ඩර්වලට කැබිනට් අනුමැතිය ලබාගැනීම වෙනුවෙන් කැබිනට් පත්‍රිකාවක් ඉදිරිපත් කිරීම සඳහා අදාළ සැපයුම්කරුවන්ගෙන් රුපියල් මිලියන 50 බැගින් “සන්තෝසම්” ලබාගන්නා ප්‍රබල කැබිනට් ඇමතිවරයකු ගැන මේ වනවිට දේශපාලන ක්ෂේත්‍රය තුළ කතාබහට ලක්ව තිබේ.
ඇමතිවරයාගේ සමීප හිතවතුන් සඳහා මෙම “සන්තෝසම්” මුදලට සහනයක් ලබාදෙමින් ඔවුන්ගෙන් රුපියල් මිලියන 40ක් ලබාගන්නා බවත් සඳහන්.
මෙම මුදල් ගනුදෙනු සිදුකෙරෙන්නේ ශ්‍රී ලංකාවේදී නොව ඕස්ට්‍රේලියාව හරහා බවත් ආරංචිමාර්ග සඳහන් කළේය.
එසේම මේ තත්වය මත නුදුරේදීම මේ ඇමතිවරයාට සිය තනතුර අහිමි වීමට නියමිත බවත් ආරංචිමාර්ග වැඩිදුරටත් පැවසීය.
RN
