හිටපු ජනාධිපති ගෝඨාභය රාජපක්ෂ මහතාගෙන් ප්‍රකාශයක් ලබාගන්නා ලෙස කොටුව මහේස්ත්‍රාත් අධිකරණය පොලිස් විශේෂ අපරාධ කොට්ඨාසයට ඊයේ (13) නියෝග කළේය.
ඒ, පසුගිය ජුලි 09 වනදා අරගලකරුවන් ජනාධිපති මන්දිරයට බලහත්කාරයෙන් ඇතුළු වීමේ සිද්ධියට අදාළ නඩුව ඊයේ කොටුව මහේස්ත්‍රාත් තිළිණ ගමගේ මහතා හමුවේ කැඳවූ අවස්ථාවේදී ය.
එහිදී නීතීඥවරුන් පෙන්වා දුන්නේ අරගලකරුවන් ජනාධිපති මන්දිරයට ඇතුළු වන අවස්ථාවේදී හිටපු ජනාධිපතිවරයාගේ කාමරයේ තිබී හමුවූ රුපියල් එක්කෝටි හැත්තෑ ලක්ෂයකට අධික මුදල සම්බන්ධයෙන් මෙතෙක් ගෝඨාභය රාජපක්ෂ මහතාගෙන් ප්‍රකාශයක් ලබාගෙන නොමැති බවයි.
ඒ අනුව අදාළ මුදල් සම්බන්ධයෙන් ඔහුගෙන් ප්‍රකාශයක් ලබාගන්නා ලෙස අධිකරණය නියෝග කරන ලදී.
RN
