ආර්ථික විශ්ලේෂකයින් පෙන්වා දෙන්නේ ද්විපාර්ශ්වික ණය සම්බන්ධයෙන් චීනය සමඟ එකඟතාවයකට පැමිණෙන තෙක් ජාත්‍යන්තර මූල්‍ය අරමුදල සමඟ ණය වැඩසටහනකට එළඹීමට ශ්‍රී ලංකාවට නොහැකි වන බවයි.
ඒ සම්බන්ධයෙන් අදහස් දැක්වූ පේරාදෙණිය විශ්ව විද්‍යාලයේ ආර්ථික හා සංඛ්‍යාන විද්‍යා දෙපාර්තමේන්තුවේ මහාචාර්ය වසන්ත අතුකෝරල මහතා පැවසූවේ ජාත්‍යන්තර මූල්‍ය අරමුදල සමඟ ණය වැඩසටහන සාර්ථක කර ගැනීමට නම් ශ්‍රී ලංකාව ලබා ගෙන ඇති ණය සඳහා අවම වශයෙන් වසර 10ක පමණ ණය සහන කාලයක් ලබා දීමට චීනය එකඟ විය යුතු බවයි.
පවත්නා තත්ත්වයන් යටතේ ජාත්‍යන්තර මූල්‍ය අරමුදල සමඟ ණය වැඩසටහනකට එළඹීම මෙම වසරේ අගෝස්තු, සැප්තැම්බර් කාලය දක්වා කල් යා හැකි බව කොළඹ විශ්ව විද්‍යාලයේ ආර්ථික විද්‍යා අධ්‍යන අංශයේ ජ්‍යෙෂ්ඨ කථිකාචාර්ය ආචාර්ය, ප්‍රියංග දුනුසිංහ පෙන්වා දෙයි.
රෂිකා හෙන්නායක
