අසාධාරණ බදු ප්‍රතිපත්තියට එරෙහිව විශ්ව විද්‍යාල ආචාර්ය සමිති සම්මේලනය විසින් ක්‍රියාත්මක කර තිබෙන වැඩවර්ජනය තවදුරටත් අඛණ්ඩව සිදුකිරීමට තීරණය කර තිබේ.
අද සෞන්දර්ය විශ්ව විද්‍යාලයේ ආචාර්යවරු ඇතුළු සියලු වෘත්තීය සමිති එක්ව විශ්ව විද්‍යාලය ඉදිරිපිට උද්ඝෝෂණයක් සංවිධානය කර තිබුණු අතර එහිදී මාධ්‍ය වෙත අදහස් දක්වමින් විශ්ව විද්‍යාල ආචාර්ය සමිති සම්මේලනයේ මාධ්‍ය ප්‍රකාශක ජ්‍යෙෂ්ඨ කථිකාචාර්ය චරුදත්ත ඉලංගසිංහ මහතා මේ බව ප්‍රකාශ කළේය.
ඊයේ දිනයේදී ජනාධිපති රනිල් වික්‍රමසිංහ විසින් බොරු ලියවිල්ලක් ලබා දුන් අතර එවැනි බොරු ලියවිලිවලට විශ්ව විද්‍යාල ආචාර්යවරු රැවටිය නොහැකි බවයි ඔහු පැවසුවේ.
ඒ අනුව මේ සටන දිනන තුරු විශ්ව විද්‍යාල ආචාර්යවරු නැවත හැරීමක් සිදුනොවන බව ඉලංගසිංහ මහතා අවධාරණය කරන ලදී.
ආශිකා බ්‍රාහ්මණ
