කොළඹ (LNW): උස්බෙකිස්තානයේ පැවති කණිෂ්ඨ යොවුන් මලල ක්‍රිඩා සූරතාවලියේ දී ශ්‍රී ලංකාවේ අයෝමාල් අකලංක තවත් ලෝකඩ පදක්කමක් දිනා දීමත් සමඟ ශ්‍රී ලංකා කණ්ඩායමේ පදක්කම් පැස රිදී දෙකක් සහ ලෝකඩ දෙකක් බවට පත් වුණා.අයෝමාල් මීටර් 400 කඩුලු ඉසව්වේ ලෝකඩ පදක්කම දිනා ගත්තේ තත්පර 51.40 ක දක්ෂතාවයක් දක්වමින්.එම කාලය මීටර් 400 කණිෂ්ඨ ආසියානු තේරීම් පරිසාධනය වන තත්පර 52.40 ඉක්මවා යාමක්.
කඩුල්ලක උස ප්‍රමාණයේ යම් පහතක් තිබුණ ද අයෝමාල් ගේ කාලය කණිෂ්ඨ බලාපොරොත්තුවක් සේ ගත හැකියි.දැනට පවතින තත්ත්වය හමුවේ ඔහු මෙන්ම ඔහු සමඟ පුහුණුවීම් කරන ධනුක දර්ශන සිටිනවා. ධනුක මේ වන විට මීටර් 400 කඩුලු ඉසව්වේ ශ්‍රී ලංකාවේ අංක එකේ රැදී සිටින ක්‍රීඩකයා වන අතර මොවුන් දෙදෙනාම පිටුපස සිටින යෝධ ශක්තිය වන්නේ “විදුලිපුර ටර්බයිනය” නමින් විරුදාවලි ලත් සුගත් තිලකරත්න නිර්මාණය කළ අනුර බණ්ඩාරයි.
සටහන – නිශ්මං රණසිංහ
