බත්තරමුල්ලේ පිහිටි ආගමන විගමන දෙපාර්තමේන්තු කාර්යාලය අවට සිටිමින් විදේශ ගමන් බලපත්ර කඩිනමින් ලබාදෙන බව පවසමින් පුද්ගලයින්ගෙන් මුදල් එකතු කිරීමට ගිය තැරැව්කරුවන් 09 දෙනෙකු අද (19) උදෑසන වන විට ශ්රි ලංකා පොලිස් බුද්ධි අංශ විසින් අත්අඩංගුවට ගෙන ඇති බව වාර්තා වේ.
ඒ මහජන ආරක්ෂක අමාත්ය ටිරාන් අලස් මහතාගේ නියෝග ප්රකාරව සිදුකළ මෙහෙයුමකදී ය.
විදෙස් ගමන් බලපත්ර සැකසීම සදහා රුපියල් 25,000 ක මුදලක් ලබා ගනිමින්, පෝලිම්වල නොසිට, නිසි ක්රියාමාර්ගවලට පරිබාහිරව ගොස් ඇතැම් තැරැව්කරුවන් විසින් විදෙස් ගමන් බලපත්ර සකස් කර දෙන බවට පැමිණිලි ලැබී තිබුණු අතර මාධ්ය මගින් ද ඒ බව පෙන්වා දී තිබිණි. මේ අනුව මහජන ආරක්ෂක අමාත්ය ටිරාන් අලස් මහතා ඊයේ (18) දිනයේදී බුද්ධි අංශවලට නියෝග කර තිබුණේ මේ පිලිබඳ වහාම සොයාබලා ක්රියාත්මක වන ලෙසයි.
ඒ අනුව අද උදෑසන වනවිට මෙසේ පුද්ගලයින්ගෙන් මුදල් ලබාගත් තැරැව්කරුවන් 09 දෙනෙකු අත් අඩංගුවට ගෙන තිබේ.
මේ ආකාරයේ මෙහෙයුම් අඛණ්ඩවම ඉදිරියටත් ක්රියාත්මක වන බවත්, එමෙන්ම මෙවන් වංචනිකයන් සමග එකතුවී ක්රියාකරන අනෙකුත් නිලධාරීන් පිලිබඳව ද සොයා බලන බවත් මහජන ආරක්ෂක අමාත්ය ටිරාන් අලස් මහතා වැඩිදුරටත් අවධාරණය කළේය.
