සටහන – රෂිකා හෙන්නායක
කොළඹ (LNW): අමෙරිකානු ඩොලර් මිලියන 53.3. ක් වටිනා පිළිකා ඖෂධ සහ කුඩා දරුවන් සඳහා අවශ්ය ඖෂධ තොගයක් ශ්රී ලංකාවේ අමෙරිකානු තානාපතිනි Julie J.Chung මහත්මිය විසින් සෞඛ්ය අමාත්යංශය වෙත අද (12) භාර දී ඇත.
එම ඖෂධ අතර, කුඩා දරුවන්ගේ සමෙ රෝග ,ආතරයිටිස් රෝග හා පිළිකා සඳහා වන ඖෂධ වර්ග 16 ක් පමණ ඇතුළත් බවයි පැවසෙන්නේ .
අමෙරිකානු ජනතාවගේ පරිත්යාගයක් වන මෙම ඖෂධ තොගය , එරට ජාත්යන්තර සංවිධානයක් වන Direct Relief ආයතනය හරහා ශ්රී ලංකාවේ අමෙරිකානු තානාපති කාර්යාලය මගින් Medical Help International ආයතනයේ සම්බන්ධීකරණය යටතේ සෞඛ්ය අමාත්යාංශය වෙත ලබා දී ඇත.
අමෙරිකානු තානාපතිනි Julie J.Chung මහත්මිය මෙහිදී ප්රකාශ කර ඇත්තේ , සෞඛ්ය ක්ෂේත්රයට පමණක් නොව අනෙකුත් අංශ සඳහා ද අවශ්ය ආධාර උපකාර අමෙරිකානු රජය විසින් ඉදිරියටත් ලබා දීමට ඉදිරිපත් වන බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
