තඹුත්තේගම ඒරියාගම ප්‍රදේශයේදී අද (04) අළුයම සිදුවූ රිය අනතුරකින් සිව් දෙනෙකු මියගොස් තවත් සිව් දෙනෙකු තුවාල ලබා ඇති බව වාර්තා වේ.
කුරුණෑගල දෙස සිට අනුරාධපුර දෙසට ධාවනය වූ ලොරි රථයක් මාර්ගය අයිනේ නතර කිරීමට යෑමේදී එම දිශාවටම ධාවනය වූ වෑන් රථයක් වේගයත් සමහ පාලනයකරගැනීමට නොහැකිව ලොරි රථයේ පිටුපස ගැටීමෙන් මෙම අනතුර සිදුව ඇත.
එහිදී වෑන් රථයේ ගමන් ගත් 8 දෙනා තුවාල ලබා රෝහල්ගත කර ඇති අතර ඔවුන්ගෙන් 4 දෙනෙකු මියගොස් ඇති බව සඳහන්.
මෙසේ මියගොස් ඇත්තේ කගටගස්දිගිලිය ප්‍රදේශයේ පදිංචි එකම පවුලේ පිරිසක් වන අතර ඔවුන් වයස අවුරුදු 36 සහ 46 වන පිරිමි පුද්ගලයන් දෙදෙනෙකු හා 36 සහ 43 වන කාන්තාවන් දෙදෙනෙක්.
RN
