සටහන – රෂිකා හෙන්නායක
කොළඹ (LNW): යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් කඳාන පියෝ මාවත ප්‍රදේශයේ නිවසකට අද (04) උදෑසන වෙඩි ප්‍රහාරයක් එල්ල කර පළාගොස් ඇති බවයි පොලිසිය පවසයි.
වෙඩි තැබීම සිදුවූ නිවස ව්‍යාපාරිකයෙකුට අයත් වන අතර, වෙඩි තැබීමට හේතුව මෙතෙක් අනාවරණය වී නැහැ.
වෙඩි තැබීමෙන් කිසිඳු පුද්ගලයෙකුට තුවාල සිදුව නොමැති අතර , වෙඩි ප්‍රහාරයෙන් නිවසට හානි සිදුව ඇත. T-56 වර්ගයේ ගිනි අවියකින් වෙඩි තැබීම සිදුකර ඇති බවටයි පොලිසිය සිදුකළ මූලික විමර්ශනවල දී අනාවරණය වී ඇත්තේ. මෙම වෙඩි තැබීම සඳහා යොදාගත් යතුරුපැදියේ හිමිකරු පොලිසිය විසින් අත්අඩංගුවට ගෙන තිබෙනවා.
පොලිසිය පැවසුවේ, වෙඩි තැබීම සිදුකළ සැකකරුවන් ද හඳුනාගෙන ඇති අතර ඔවුන් අත්අඩංගුවට ගැනීම සඳහා විමර්ශන ක්‍රියාත්මක වන බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
