ලබන සතියේ ඉන්දියාවේ පැවැත්වීමට නියමිත G20 නායක සමුළුව චීන ජනාධිපතිවරයා මඟ හැරීමට සුදානම් බවත් ඒ වෙනුවෙන් අගමැති Li Qiang සම්බන්ධ කිරීමට සුදානම් බවත් වාර්තා වේ.
මේ සම්බන්ධයෙන් විචාරකයන් අදහස් දක්වා තිබුණේ, චීනය හා ඉන්දියාව අතර ඇතිවෙමින් පවතින මතබේදාත්මක ගැටුම් හේතුවෙන් චීන ජනාධිපතිවරයා මෙම සමුළුව වර්ජනය කරනු ඇති බවයි.
පසුගියදා චීනය විසින් දැනට ඉන්දීය දේශසීමාවට අයත් අරුනාචල් ප්රදේශ් සහ ඩොක්ලාම් සානුව චීනයේ දේශසීමා තුළ පවතින බව පෙන්වන සිතියමක් නිකුත් කිරීමෙන් පසු මේ සතියේ දෙරට මතභේදාත්මක ගැටුම් ඇති විය.
කෙසේ නමුත්, මෙම හමුව වෙළඳාම සහ භූ දේශපාලනික ආතතීන් විසින් පලුදු වූ සබඳතා ස්ථාවර කිරීමට චීනයට හා ඇමරිකාවට ද අවස්ථාවක් වන අතර ජනාධිපති ජෝ බයිඩන් ඊයේ(31) දිනයේදී වොශින්ටන්හි වාර්තාකරුවන්ට සඳහන් කර තිබුණේ, ජින්පින් ගේ සහභාගී වීම තමා අපේක්ෂා කරන බවයි.
සශිකලා මධුෂාණි-outboundtoday
