සටහන – රෂිකා හෙන්නායක
කොළඹ (LNW): ජනාධිපති ලේකම්වරයා විසින් පත් කළ දුම්රිය දෙපාර්තමේන්තුව ප්රතිව්යුහගත කිරීම සම්බන්ධයෙන් සොයා බැලීම සදහා පත් කළ කමිටුව එළඹෙන 06 වනදා පළමුවරට රැස්වීමට නියමිතව ඇත.
මෙම කමිටුවේ සභාපතිත්වය දරන්නේ වරාය හා නාවික කටයුතු අමාත්යාංශයේ ලේකම් කේ.ඩී.එස් රුවන්චන්ද්ර මහතායි. ඊට හිටපු දුම්රිය සාමාන්යාධිකාරීවරු දෙදෙනෙක් හා සංඥා උප දෙපාර්තමේන්තුවේ හිටපු ප්රධානියෙකු ඇතුළු සාමාජිකයින් 14 දෙනෙකු ඇතුලත් වන අතර මෙම කමිටුවේ පළමු රැස්වීම සැප්තැම්බර් 06 වනදා ජනාධිපති ලේකම් කාර්යාලයේ දී රැස්වීමට නියමිත බවයි වාර්තා වන්නේ.
මෙහිදී දුම්රිය දෙපාර්තමේන්තුවේ දිගුකාලීන සැලසුම පිළිබඳව පළමුව අවධානය යොමු කිරීමට නියමිත අතර දුම්රිය දෙපාර්තමේන්තුව තුළ පවතින දත්ත එක් රැස්කිරීමට ද නියමිතව තිබෙන බවද සඳහන්.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
