කොළඹ LNW:ක්‍රියාත්මක දුම්රිය වැඩවර්ජනය සහ ඊට විසඳුම් ලබා දීම සඳහා අද (13) පස්වරුවේ අග්‍රාමාත්‍ය දිනේෂ් ගුණවර්ධන මහතාගේ ප්‍රධාත්වයෙන් අග්‍රාමාත්‍ය කාර්යාලයේදී සාකච්ජාවක් කැඳවා ඇති බව වාර්තා වෙයි.
කෙසේවෙතත් වර්ජනයේ නියුතු ලෝකෝමොටිව් ඔපරේටින්ග් ඉංජිනියර් සංගමයේ ප්‍රධාන ලේකම් එස්.ආර්.සී.එම්.සේනානායක මහතා සඳහන් කරන්නේ ඔවුන්ට එම සාකච්ජාවට ආරාධනයක් කර නොමැති බවයි.
අද දිනයේදී හෝ මෙම ගැටළුව විසඳෙනු ඇතැයි බලාපොරොත්තු වෙන අතර දුම්රිය අත්‍යවශ්‍ය සේවයක් බවට පත්කිරීම ගැන වෘත්තීය සමිති මට්ටමින් සාකච්ජා කරමින් පවතින බවද සේනානායක මහතා ප්‍රකාශ කරයි.
මේ වන විටත් දුම්රිය රියදුරු හිඟයක් පවතින බවත් මෙලෙස ඉදිරියට ක්‍රියාත්මක වුවහොත් කොහොමත් දුම්රිය වාර අවලංගු කිරීමට සිදුවන බව ද හෙතෙම කියාසිටියි.
ASK
