සටහන – රෂිකා හෙන්නායක
කොළඹ (LNW): ලෝක සෞඛ්‍ය සංවිධානය සමග නිපා වෛරසයෙන් ආරක්ෂා වීම සඳහා ගත යුතු ක්‍රියාමාර්ග පිළිබඳව නිරන්තරයෙන් සාකච්ඡා පවත්වමින් සිටින බව සෞඛ්‍ය අමාත්‍ය කෙහෙළිය රඹුක්වැල්ල මහතා කියා සිටී.
අමාත්‍යංශ ලේකම්වරයා, සෞඛ්‍ය සේවා අධ්‍යක්ෂ ජනරාල්වරයා හා වෛරසවේදය සම්බන්ධ විශේෂඥයින් නිපා වෛරසය රටට ඇතුළුවීම වළක්වා ගැනීමට ගත යුතු ක්‍රියාමාර්ග පිළිබඳව සාකච්ඡා කරමින් සිටින බව අමාත්‍යවරයා පෙන්වාදෙයි.
තවද, යම් හෙයකින් නිපා වෛරස ආසාදිතයින් වාර්තාවුවහොත් ගත යුතු ක්‍රියාමාර්ග පිළිබඳව ද අවධානය යොමු කර ඇති බවද අමාත්‍යවරයා කියා සිටී.
අද (24) මහනුවර පැවති මාධ්‍ය හමුවක දී සෞඛ්‍ය අමාත්‍ය කෙහෙළිය රඹුක්වැල්ල මහතා මේ බව කියා සිටියේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
