සටහන – නිපුනි ලියනගේ
ලෝකය (අවුට්බවුන්ඩ් ටුඩේ): ඇමරිකානු ආර්ථික ඉතිහාසඥ ක්ලෝඩියා ගෝල්ඩින් 2023 වසරේ නොබෙල් ආර්ථික විද්‍යා ත්‍යාගය දිනා ගත්තේ පිරිමින් සහ කාන්තාවන් අතර වැටුප් විෂමතා විමර්ශනය කිරීම වෙනුවෙන් කළ සේවය වෙනුවෙන් බව රාජකීය ස්වීඩන් විද්‍යා ඇකඩමිය ප්‍රකාශ කරයි.
ඇල්ෆ්‍රඩ් නොබෙල්ගේ අනුස්මරණය සඳහා ආර්ථික විද්‍යාව සඳහා වූ Sveriges Riksbank ත්‍යාගය ලෙස හැඳින්වෙන මෙම කීර්තිමත් සම්මානය, මේ වසරේ නොබෙල් ත්‍යාගවල අවසාන ත්‍යාගය වන අතර එය ස්වීඩන් ඔටුනු මිලියන 11 ක් හෙවත් ඩොලර් මිලියනයකට ආසන්න අගයක් ගනී.
මෙම වසරේ ආර්ථික විද්‍යා සම්මානලාභී ක්ලෝඩියා ගෝල්ඩින්, සියවස් ගණනාවක් පුරා කාන්තා ඉපැයීම් සහ ශ්‍රම වෙළඳපල සහභාගීත්වය පිළිබඳ පළමු විස්තීර්ණ ගිණුම ලබා දී ඇති බව ත්‍යාග ප්‍රදානය කිරීමේ ආයතනය නිවේදනයක් නිකුත් කරමින් කියා සිටියේය.
1990 දී හාවඩ් ආර්ථික විද්‍යා දෙපාර්තමේන්තුවේ සේවය කළ පළමු කාන්තාව බවට පත් වූ “ගෝල්ඩින්” නොබෙල් ආර්ථික විද්‍යා ත්‍යාගය දිනාගත් තුන්වන කාන්තාව වේ.
