සටහන – රෂිකා හෙන්නායක
කොළඹ (LNW): පොදු ප්‍රවාහන සේවා සඳහා වාහන ආනයනයන් අත්හිටුවා ඇති බව, මුදල් රාජ්‍ය අමාත්‍ය රංජිත් සියඹලාපිටිය මහතා සඳහන් කළේය.
එම වාහන ආනයනය සඳහා ලබා දුන් මාසයක කාලය ද අවසන් ව ඇති අතර, අවසරය ලබා දී තිබූ මාසය ඇතුළත ආනයනය කරන ලද වාහන නිදහස් කර ගැනීමට අවස්ථාව සලසා දීමට කටයුතු කරන බව රාජ්‍ය අමාත්‍යවරයා කියා සිටියේය.
මේ වනවිට කිසිදු වාහනයක් ආනයනයට අවසරයක් නැති අතර, වාහන ආනයනය සම්බන්ධයෙන් වාර්තාවක් සකස් කිරීමට ජනාධිපති ලේකම් කාර්යාලය, විශේෂ කමිටුවක් පත් කර තිබුණි.
වාහනවල අවශ්‍යතාවය, මාර්ගවල ඇති ඉඩ පහසුකම්, ඉන්ධන සඳහා යන වියදම හා වාහන ආනයනයට යන විනිමය ප්‍රමාණය යන කරුණු පිළිබඳ එහිදී විශේෂ අවධානයක් යොමු කෙරෙන බව රාජ්‍ය අමාත්‍යවරයා සඳහන් කළේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
