සටහන – රෂිකා හෙන්නායක
ලෝකය (අවුට්බවුන්ඩ් ටුඩේ): ඊයේ (25) රාත්‍රියේ , දකුණු ඉන්දියාවේ කේරළයේ කෝචින් විද්‍යා හා තාක්ෂණ විශ්ව විද්‍යාලයේ පැවැති සංගීත ප්‍රසංගයක දී සිදු වූ තෙරපීමකින් සිසුන් සිව් දෙනෙක් ජීවිතක්ෂයට පත්ව ඇති අතර, තවත් 60 දෙනෙකු තුවාල ලබා ඇතැයි ඉන්දීය ප්‍රාදේශීය මාධ්‍ය වාර්තා කරයි.
ඔවුන්ගෙන් කීප දෙනකුගේ තත්ත්වය බරපතල බවද වාර්තා වේ.
සංගීත ප්‍රසංගය නැරැඹීමට අවසර ලබා දී තිබුණේ විශ්ව විද්‍යාලයේ සිසුන්ට පමණක් වන අතර සංගීත ප්‍රසංගය එළිමහනයේ පැවැත්වෙමින් තිබියදී ඇද හැලුණු වර්ෂාවක් හේතුවෙන් එය විශ්ව විද්‍යාලයේ ශ්‍රවණාගාරයේ පැවැත්වීමට තීරණය කර ඇති අතර, තෙරපීම හටගත්තේ ශ්‍රවණාගරයට සිසුන් ඇතුළු වීමට දිව යමින් සිටිය දී බවට වාර්තා වේ. එහි දී සිසුන් විශාල පිරිසක් පඩිපෙළ මතින් ලිස්සා ගිය බවත්, පසුව පෑගී ඇති බවයි මාධ්‍ය වැඩිදුරටත් පවසන්නේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
