රට මුහුණ පා සිටින ආර්ථික අර්බුදයෙන් ගොඩගැනීම සඳහා ආණ්ඩුවේ කුඩා පක්ෂවල යෝජනාවලියක් 2022 මාර්තු 02 වනදා එළිදැක්වීමට නියමිතව තිබේ.
ශ්රී ලංකා නිදහස් පක්ෂය, ප්රජාතන්ත්රවාදී වාමාංශික පෙරමුණ, ලංකා සම සමාජ පක්ෂය, ශ්රී ලංකාවේ කොමියුනිස්ට් පක්ෂය, ජාතික නිදහස් පෙරමුණ, ජාතික කොංග්රසය, පිවිතුරු හෙළ උරුමය, ශ්රී ලංකා මහජන පක්ෂය, විජය ධරණී ජාතික සභාව, එක්සත් මහජන පක්ෂය, යුතුකම ජාතික සංවිධානය යන දේශපාලන පක්ෂ 11 විසින් සකසන ලද මෙම යෝජනාවලිය “මුළු රටම හරි මඟට” ජාතික ප්රකාශනය වශයෙන් නම් කර ඇත.
එය එළඹෙන 02 වනදා සවස 03.00 ට ශ්රී ජයවර්ධනපුර මොනාක් ඉම්පීරියල් ශාලාවේදී එළිදැක්වීමට කටයුතු සූදානම් කර ඇති අතර මේ සම්බන්ධයෙන් විශේෂ සාකච්ඡාවක් පසුගිය 23 වනදා හිටපු ජනාධිපති මෛත්රීපාල සිරිසේන මහතාගේ නිවසේදී පවත්වා තිබිණි.
හිටපු ජනාධිපති මෛත්රීපාල සිරිසේන, විමල් වීරවංශ, උදය ගම්මන්පිල, වාසුදේව නානායක්කාර යන ඇමතිවරුන්, අතුරලියේ රතන හිමි, ටිරාන් අලස්, ගෙවිඳු කුමාරතුංග, අසංක නවරත්න යන පාර්ලිමේන්තු මන්ත්රීවරුන් ඇතුළු පක්ෂ 11 නියෝජිතයින් සහ විද්වතුන්, කලාකරුවන් ඇතුළු සම්භාවනීය පිරිසක් මෙම අවස්ථාවට සහභාගී වීමට නියමිතය.
RN
