වත්මන් ආණ්ඩුවට කිසිදු ආකාරයකින් රට ඉදිරියට ගෙන යෑමට නොහැකි බවත් රට බංකොලොත්භාවයට පත්වී අවසන් බවත් සමගි ජන බලවේගයේ පාර්ලිමේන්තු මන්ත්‍රී චම්පික රණවක මහතා පවසයි.
“ජනතාවට අත්‍යවශ්‍ය ඖෂධ නෑ. මිනිහෙක් මළාම එම්බාම් කරන්න ෆෝමලින් නැති රටක් බවට, එච්චර කාලකන්නි තත්වයට අද ඇද දමලා තියෙනවා. මේ ආණ්ඩුව මේ ආර්ථික අර්බුදය විසඳන්න අසමත් බව බොහොම පැහැදිලිව ප්‍රකාශ කරලා තියෙනවා. එනිසා දැන් ඉදිරි කාලයේදී පාර්ලිමේන්තුවට මේ පිළිබඳව තීරණයක් ගන්න වෙනවා. ඒ වගේම මහජනයාට තීරණයක් ගන්න වෙනවා මේ ආණ්ඩුව ගැන. කිසිම විදියටකට ඉදිරියට යන්න බෑ, මේ රට දැන් බංකොලොත් වෙලා ඉවරයි”
පාර්ලිමේන්තු මන්ත්‍රී චම්පික රණවක මහතා මේ බව පැවසුවේ ඊයේ (28) කොළඹදී මාධ්‍ය වෙත අදහස් දක්වමිනි.
RN
