කොළඹ LNW:ඊශ්‍රායල් – හමාස් ගැටුමට මැදිව මේ වන විට මාධ්‍යවේදීන් 103කු මියගොස් ඇති බව ගාසාහි රජයේ මාධ්‍ය කාර්යාලය නිවේදනය කරයි.
බොහෝ දෙනා මිය ගොස් ඇත්තේ තුවාල ලබා සිටියදි ඔවුන් වෙත සහන සේවකයින්ට ළඟා වීමට තිබුණු දැඩි දුෂ්කරතාව නිසා බව වාර්තා වෙයි.
ගාසා තීරණයේ රැඳී සිටිමින් වාර්තාකරණයේ යෙදෙන මාධ්‍යවේදීන්මාගේ ජීවිතාරක්ෂාව ගැන අවධානය යොමුකරන ලෙස අවස්ථා කිහිපයකදී ඊශ්‍රායලයෙන් ඉල්ලා සිටියද ඔවුන් ඒ ගැන තැකීමක් කර නොතිබුණු බවයි විදෙස් මාධ්‍ය වාර්තා කළේ.
සිවිල් ජනතාවගේ ජීවිත ආරක්ෂා කරන ලෙස එක්සත් ජාතින්ගේ සංවිධානයද ඉල්ලා තිබෙන පසුබිමක මේ වනවිට ඊශ්‍රයලය ගාසා වෙත එල්ල කරන ප්‍රහාර දැඩි කර තිබේ.
පසුගිය ඔක්තොමර් 07වැනිදා සිට මේ දක්වා ගැටුම් හේතුවෙන් නිරායුධ පලස්තීනුවන් 20,424ක් ජීවිතක්ෂයට පත්ව ඇති අතර 54,036ක් පමණ තුවාල ලබා ඇති බවද ගාසා හි සෞඛ්‍ය අමාත්‍යාංශය සඳහන් කරයි.
ASK
