ඔබව දුරස් කළේ නැත
සගය,
මා වෙනත් කවයකට
ඇතුල් වුවා පමණි.
කොන්දේසි විරහිතව පැමිණි ගමනක,
බාහුබල දරා ගොඩදැමූ සිදුවීම්ද..
පිළිමලුන් පැරදවීමට කඩුලු අතර දිවීම්ද..
අම්මාට බොරුගොතා විවරකළ ගේදොරද..
මා වෙනුවෙන් – ඈ සනසාලූ දයාබරත්වයද..
කඳුලු සැඟවූ අඳුරු අහුමුළුද..
සාද මතින් අවසන් කළ විරසකද..
එතැනම තබමි.
අචාර කරමි.
ඔබව දුරස් කළේ නැත
සගය,
මා වෙනත් කවයකට
ඇතුල් වුවා පමණි.
උවමණාම මොහොත පැමිණිවිටත්
මා විමසන්න නොවෙහෙසී
තනියෙම තීරණ ගනිං..
මා එයට එකඟබව
සිහි තබා ගනිං..
මා වෙනත් කවයකට
ඇතුල් වුවා පමණි.
එහි මා පමණි.
~ සංජය ඈපා සෙනවිරත්න
RN
