ජනාධිපති ගෝඨාභය රාජපක්ෂ මහතාගේ බලතල ප්‍රකාරව ඊයේ දින විමල් වීරවංශ සහ උදය ගම්මන්පිල යන අමාත්‍යවරු එම ධූර වලින් ඉවත් කරන ලදී.
එම ඉවත් කිරීම සම්බන්ධයෙන් දැනුවත් කිරීමට ඔවුන් අද (04) දින කොළඹදී මාධ්‍ය හමුවක් ද පැවැත්වූ අතර අනතුරුව අමාත්‍යාංශයට සමුදීමට විමල් වීරවංශ මහතා එහි ගොස් තිබුණි.
තමන් අමාත්‍ය ධූරය දැරූ කාල සීමාව තුළ සතුටින් වැඩ කළ හෙයින් ඉදිරියටත් එම සතුට සමඟ ඉදිරියට යන බවයි අමාත්‍යාංශ පරිශ්‍රයෙන් පිටව යන මොහොතේ හිටපු අමාත්‍යවරයා සඳහන් කළේ.
අනතුරුව තමන් මෙන්ම උදය ගම්මන්පිල සහ වාසුදේව නානායක්කාර මහත්වරු අගමැතිවරයා හමුවීමට යන බවද විමල වීරවංශ මහතා මෙහිදී පැවසුවේය.
ASK
