සටහන – රෂිකා හෙන්නායක
ජනවාරි 16 කොළඹ (LNW): මෙතෙක් නායයාමක් හේතුවෙන් දින 7ක පමණ කාලයක් වසා තිබූ බදුල්ල – බණ්ඩාරවෙල මාර්ගය ගමනා ගමනය සඳහා අද (16) දහවල්, විවෘත කළ බව බදුල්ල දිස්ත්‍රික් ලේකම් ප්‍රභාත් අබේවර්ධන මහතා කියා සිටී.
පසුගිය දා බදුල්ල – බණ්ඩාරවෙල මාර්ගය හතේ කණුව ප්‍රදේශයෙන් ඉකුත් 9 වනදා සිදුවූ නායයාමක් නිසා දින 7 ක පමණ කාලයක් අවහිරව ගමනා ගමනය නතරවී තිබිණි.
අබේවර්ධන මහතා වැඩිදුරටත් සඳහන් කළේ, මාර්ගය වැසෙන සේ කඩාවැටී තිබූ පස් ගල් හා ගස් මාර්ග සංවර්ධන අධිකාරිය විසින් ඉවත් කර , ගිලාබැසීම් හා කඩතොළු වූ ස්ථාන පිළිසකර කිරීමෙන් පසු එම ස්ථානයෙන් ගමන් කිරීමට සුදුසු තත්ත්වයක තිබේදැයි ජාතික ගොඩනැගිලි පර්යේෂණ සංවිධානයේ භූ විද්‍යාඥයන් විසින් පරීක්ෂා කළබවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
