සටහන – රෂිකා හෙන්නායක
ජනවාරි 25 කොළඹ (LNW): මෙතෙක් විදුහල්පති සේවයේ නොවිසඳී පැවැති ගැටලු විසඳීමට සහ එම සේවාවේ වෘත්තීය ස්වභාවය උසස්කොට අධ්යාපන ප්රතිසංස්කරණවලට ගැළපෙන ලෙස සංවර්ධනය කිරීමට අධ්යාපන අමාත්ය ආචාර්ය සුසිල් ප්රේමජයන්ත මහතා විසින් පත් කරන ලද කමිටුවේ වාර්තාව අමාත්යවරයා වෙත භාර දී ඇති බව සඳහන් වේ.
ප්රධාන කරුණු හයක් ඔස්සේ මෙම වාර්තාවෙහි ගැටළු අධ්යයනය හා අදාළ නිර්දේශ ඉදිරිපත් කර ඇති බව සඳහන් වන අතර, විදුහල්පති සේවාව පිළිගත් වෘත්තීයක් ලෙස දියුණු කිරීම, විදුහල්පති සේවය පිළිබඳ ජාතික ප්රතිපත්ති සැකසීම, සේවා ව්යවස්ථාව සංශෝධනය කර අනාගතයට සුදුසු පරිදි ව්යුහගත කිරීම, විදුහල්පති කාර්යභාරය, වගකීම් හා වගවීම්. විදුහල්පතිවරුන්ගේ වැටුප් දීමනා වරප්රසාද හා කුසලතා වර්ධනය සඳහා අවස්ථා සහ අධ්යාපන ප්රතිසංස්කරණ ක්රියාත්මක කිරීමේ කාර්යභාරය යන කරුණු මීට ඇතුළත් වන බව සඳහන් වේ.
දැනට 16,000කට අධික නිලධාරීන් පිරිසක් සිටින විදුහල්පති සේවයේ iii, ii, i ශ්රේණිවලට අයත් විදුහල්පති නියෝජ්ය විදුහල්පති හා උප විදුහල්පතිවරුන්ගේ සේවා අභිවෘද්ධිය හා පාසල් පද්ධතියේ නව අවශ්යතා සලකා විදුහල්පති අධිශ්රේණියක් ඇති කිරීමට නිර්දේශ කොට ඇත.
වැටුප් සංශෝධන හා වැටුප් විෂමතා ඉවත් කිරීම, විදුහල්පති දීමනාව රුපියල් 6000.00 සිට රුපියල් 15000.00 දක්වා වැඩි කිරීම, රාජ්ය සේවයේ නිලධාරීන්ට ලැබෙන සන්නිවේදන ගමන් වියදම් වාහන නිවාස ඇතුළු ප්රතිලාභ රැසක් සඳහා සහන හා දුෂ්කර පළාත්වල විදුහල්පතිවරුන්ට විශේෂ දීමනාව ලබාදීම මෙම කමිටු නිර්දේශ අතර වන බව ප්රකාශ වේ.
මෙම කමිටු නිර්දේශ අමාත්ය මණ්ඩල අනුමැතිය මගින්ද සේවා ව්යවස්ථා සංශෝධනය මගින්ද අමාත්යාංශ චක්රලේඛ හා අධ්යාපන ප්රතිසංස්කරණ මගින් ද ක්රියාත්මක කරන බව අධ්යාපන අමාත්යවරයා සමිති නියෝජිතයින් හා අධ්යාපන නිලධාරීන්ගේ රැස්වීමේදී ප්රකාශ කළේය.
අධ්යාපන අමාත්යතුමන්ගේ උපදේශක මහාචාර්ය ගුණපාල නානායක්කාර මහතාගේ සභාපතිත්වයෙන් ක්රියාත්මක වූ මෙම කමිටුවෙහි හිටපු ආයතන අධ්යක්ෂ ජනරාල්වරුන් වන එම් ඒ ධර්මදාස, පද්මා, සිරිවර්ධන හිටපු විභාග කොමසාරිස් ජනරාල් සනත් පූජිත, විශ්රාමික ගණකාධිකාරී එස් ඩබ්ලිව් ගමගේ යන මහත්ම මහත්මීන් කමිටු සාමාජිකයන් ලෙස කටයුතු කර ඇති බව සඳහන් වේ.
එළඹෙන පෙබරවාරි 01 දින සිට අධ්යාපන අමාත්යාංශ වෙබ් අඩවිය (www.moe.gov.lk) මගින් මෙම වාර්තාව ප්රකාශයට පත් කෙරෙන බව සඳහන් වේ.
