දේශීය ආදායම් දෙපාර්තමේන්තුව විසින්, VAT සදහා ලියාපදිංචි නොවී VAT අයකරන පුද්ගලයන් හා ආයතන පිළිබඳ පරීක්ෂණ කිරීම ආරම්භ කර ඇත.
ඒ අනුව VAT සදහා ලියාපදිංචි නොවී VAT අයකරන කොළඹ නගර සීමාවේ පවත්වා ගෙන යන ආයතනයක් පිළිබඳව ලැබුන තොරතුරක් මත විමර්ශනයක් 2024.01.24 දින කරන ලද අතර, එම ආයතනයේ බලධාරීන් කාර්යාල පරිශ්‍රයට ඇතුළු වීමට ඉඩ නොදී එහි අගුලු දා තිබූ බැවින් පොලීස් සහය පැතීමට සිදුවූ බවද වාර්තා වේ.
එහිදී, පොලීසියේ අනුදැනුම මත අගුලු ඇරගෙන පරිශ්‍රයට ඇතුලු වීමට සිදුවූ අතර පරීක්ෂණ කටයුතු කොට අදාළ ලිපි ලේඛන හා තොරතුරු ඇතුළත් පරිගණක දෙපාර්තමේන්තුව බාරයට ගන්නා ලද බවද සඳහන් වේ.
ඒ අනුව එම තොරතුරේ නිවැරැදිතාවය සෙවීම සදහා සහ නිවැරැදි බදු ගෙවා තිබේද යන්න විමසීමට විගණන කටයුතු කිරීම ආරම්භ කොට ඇති බව, දේශීය ආදායම් දෙපාර්තමේන්තුවේ ආරංචි මාර්ග පවසයි.
