කොළඹ LNW:රජයේ නව ආර්ථික ප්රතිසංස්කරණ දේශපාලන වශයෙන් අවාසි සහගත වුවත් රටේ අනාගතයට වාසිදායක බව ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක, ජනාධිපති කාර්ය මණ්ඩල ප්රධානී සාගල රත්නායක මහතා පවසයි.
අද ගැන නොව හෙට ගැන සිතමින් ජනපතිවරයා රට ගොඩනැඟීමේ වැඩපිළිවෙළ අරඹා තිබෙන බවයි ඔහු සඳහන් කරන්නේ.
අතීතයේ දී මැතිවරණ පිළිබඳ පමණක් සිතා තීන්දු ගැනීම රටේ ආර්ථිකය කඩා වැටීමට හේතු වූ බව පවසන අසාගල රත්නායක මහතා තවදුරටත් කියාසිටින්නේ වත්මන් රජය සිදුකරන ආර්ථික ප්රතිසංස්කරණවල ප්රතිලාභ අද දවසේ හිමි නොවුණද, රටේ තරුණ තරුණියන් සහ අනාගත පරපුරට නිසැක වශයෙන්ම එම ප්රතිලාභ හිමිවනු ඇති බවයි.
ඔහු මෙම අදහස් පළකර සිටියේ මාතර දිස්ත්රික් ලේකම් කාර්යාලයේ ප්රධාන ශ්රවණාගාරයේ පැවති 2024 අයවැය යෝජනා සම්බන්ධ දැනුවත් කිරීමේ සම්මන්ත්රණයකට එක් වෙමිනි.
ASK
