UN

කැබිනට් ඇමති ධුර අහිමි වූ විමල් වීරවංශ හා උදය ගම්මන්පිල යන පාර්ලිමේන්තු මන්ත්‍රීවරුන්ට, කැබිනට් ඇමතිවරයෙකුට ලබාදෙන මට්ටමේ ආරක්ෂාවක් සඳහා තවදුරටත් හිමිකම් කීමේ අවස්ථාව හිමිව තිබෙනවා. අගමැති මහින්ද රාජපක්ෂ මහතා විශේෂ නියෝගයක් නිකුත් කර තිබෙන්නේ අදාල මන්ත්‍රීවරුන් දෙදෙනොට මෙතෙක් ලබාදුන් ආරක්ෂාව තවදුරටත් ලබාදෙන ලෙසයි.

මෙතෙක් ආණ්ඩු පක්ෂයේ මුල්පෙළ අසුනක් හිමිව තිබූ ජානිපෙ නායක විමල් වීරවංශ මහතාට සිව්වැනි පෙළ දක්වා පසුබැසීමට සිදු ඇති අතර පිවිතුරු හෙළ උරුමයේ නායක උදය ගම්මන්පිල මහතාටද දෙවැනි පෙළ සිට සිව්වැනි පෙළ දක්වා පසුපසට යාමට සිදුව තිබේ.

ඉන්දියානු රජයෙන් ඉල්ලා ඇති ඇමරිකානු ඩොලර් බිලියනයක ණය මුදල තවදුරටත් ප්‍රමාද වනු ඇති බවට වාර්තා වේ. පසුගිය දෙසැම්බර් මාසයේදී ඩොලර් මිලියන 500 ක ණය මුදලක් ලබා ගැනීමෙන් පසු මෙම ඩොලර් බිලියනයක ණය මුදල ලබා ගැනීමට මෙරට ආණ්ඩුව අපේක්ෂාවෙන් සිටියේය.

විශේෂයෙන් එස්.බී. දිසානායක මහතාට කැබිනට් අමාත්‍ය ධුරයක් ලබාදීම සම්බන්ධයෙන් රාජ්‍ය අමාත්‍යවරුන් සහ ආණ්ඩු පක්ෂ මන්ත්‍රීවරුන් රැසක් නොසතුට පළ කරන බවයි වාර්තා වන්නේ.

ලොව ප්‍රමුඛ ක්‍රෙඩිට් කාඩ්පත් සමාගම් දෙකක් වන මාස්ටර් කාඩ් සහ වීසා කාඩ් සමාගම් රුසියාවට සිය සේවා සැපයීම අත්හිටුවා තිබෙනවා. ඒ අනුව අදාල සමාගම් මගින් රුසියානු බැංකුවල පාරිභෝගිකයන්ට ලබාදුන් කාඩ්පත් මින්පසු අක්‍රිය වනු ඇත.