සටහන – රෂිකා හෙන්නායක
කොළඹ (LNW): කෙටි හා හදිසි ගමන් බිමන් සඳහා ප්‍රවාහන කටයුතු වෙනුවෙන් ජනතාවට විශාල සේවයක් ඉටුකරන දෙනු ලබන මෙරට පවතින ත්‍රීරෝද රථ විද්‍යුත් ත්‍රීරෝද බවට පරිවර්ථනය කිරීමේ ව්‍යාපෘතිය හෙට (11) සිට ක්‍රියාත්මක කරන බව මෝටර් රථ ප්‍රවාහන කොමිසම පවසයි.
පළමු අදියර යටතේ පෙට්‍රල් ත්‍රීරෝද රථ 300 ක් මෙලෙස විද්‍යුත් ත්‍රීරෝද රථ ලෙස පරිවර්ථනය කරන බව එහි කොමසාරිස් නිශාන්ත වීරසිංහ මහතා සඳහන් කළේය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): සීනි සහ තිරිඟු පිටි මිල ගණන් ඉහළ දමා ඇතැයි අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමයේ සභාපති නිහාල් සෙනෙවිරත්න මහතා පවසයි . ඒ අනුව සීනි කිලෝග්‍රෑමයක තොග මිල රුපියල් 25කින් ඉහළ දමා ඇති බව නිවේදනය කරයි.
මීට පෙර සීනි කිලෝග්‍රෑමයක තොග මිල රුපියල් 225 ක් වූ අතර එහි නව මිල රුපියල් 250 කි.
ඉන්දියාව සීනි අපනයනය සීමා කිරීම, එලෙස මිල ගණන් ඉහළ දැමීමට හේතුවී ඇතැයි ඔහු සඳහන් කළේ ය.
මේ අතර, තිරිඟු පිටි කිලෝග්‍රෑමයක තොග මිල රුපියල් 10 කින් ඉහළ දමා ඇති අතර , අත්‍යවශ්‍ය ආහාර ද්‍රව්‍ය ආනායනකරුවන්ගේ සංගමය පැවසුවේ, ඒ අනුව තිරිගු පිටි කිලෝග්‍රෑමයක තොග මිල රුපියල් 210 ක් දක්වා ඉහළ යන බවයි.
තිරිගුපිටි සඳහා පනවා තිබූ රුපියල් 03 ක බදු සහනය ඉවත් කිරීම, ඊට හේතුවී ඇතිබව සංගමය තවදුරටත් පැවසීය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): තිරිඟු පිටි සඳහා පනවා තිබූ රුපියල් තුනක් වූ රේගු සහනය ඉවත් කළ නමුත් බදු සහනය ඉවත් කෙරුණුද පිටි මිලෙහි කිසිදු වැඩිවීමක් සිදුනොවන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
අවිස්සාවේල්ල ප්‍රදේශයේ අද (07) සවස පැවති වැඩසටහනකින් අනතුරුව මාධ්‍ය වෙත අදහස් දැක්වූ රාජ්‍ය අමාත්‍ය රංජිත් සියඹලාපිටිය මහතා,
“තිරිඟු පිටිවලට රුපියල් 3ක රේගු බද්දෙන් සහනයක් ලබාදීලා තිබුණා. අපි නැවත පැනවේවා ඒ රුපියල් 3. ඒකේ ප්‍රධානතම හේතුව අපේ සහල් සඳහා වූ ප්‍රධානතම ආදේශකය අපේ රටේ වී ගොවියා ආරක්ෂා කිරීමට විශල වගකීමක් තියෙනවා. වී ගොවීන්ගෙන් 90%ක්ම යැපුම් මට්ටමේ ගොවියෝ ඒ නිසා ඔහුන්ව ආරක්ෂා කරන්න ඕනේ. ඔවුන්ට සාධාරණ මිලක් ලබාදෙන්න ඕනේ. ඒ නිසාම තමයි අපිට සිදුවෙන්නේ සහල් සඳහා වූ ප්‍රධානතම ආදේශනයේ මිල හැම විටම යම් තැනක කළමනාකරණ කරගන්න. ඒ අවශ්‍යතාවය නිසා තමයි තිරිඟු පිට සඳහා තිබුණු රේගු බදු නිදහස රුපියල් 3 අපි ඉවත් කළේ. ඒ අනුව තිරිඟු පිටි සඳහා වූ රුපියල් 3ක ඒ බද්ද අය වෙනවා. හැබැයි එයින් තිරුඟු පිටි මිල වැඩිවෙන්න කිසිදු හේතුවක් නැහැ. මොකද මේ වෙලාවේ ඩොලරයේ අගය අඩුවීමක් සමග රුපියලේ අගය වැඩිවීමත් එක්ක තිරුඟු පිටි කියන්නේ සම්පූර්ණයෙන් පිට රටින් ගෙන්වන ආනයනිත ද්‍රව්‍යක්. ඒ නිසා ඒ රුපියලේ අගය වැඩිවීම ඩොලරයේ අගය අඩුවීම සෘජුව දැනෙන ද්‍රව්‍යයක්. ඒ නිසා ඒ වෙනසක් සමග ඇතිවන වාසිදායක තත්ත්වය නිසා තිරිඟු පිටි මිලත් මේ නිසා වැඩිවෙන්නේ කිසිදු හේතුවක් නැහැ. ඉතින් ඒ තුළ තමයි අපි කළමනාකරණ කර ගන්න බලන්නේ.”
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): රේගු දෙපාර්තමේන්තුවේ මධ්‍යම බුද්ධි අංශයේ නිලධාරීන් විසින් කොළඹ වරාය හරහා සිදුවන අන්තරාළ වෙළෙඳාම මඟින් මෙරට කීර්ති නාමයට හානිවන ආකාරයේ ජාවාරමක් පිළිබඳව විමර්ශන ආරම්භ කර තිබේ.
වෙනත් රටක සිට භාණ්ඩ ආනයනය කර රේගු ගාස්තුවලින් තොරව වරාය තුළ රඳවා යළි තවත් රටකට අපනයනය කිරීම මෙම අන්තරාළ වෙළෙඳාම මඟින් සිදුකරනු ලබන අතර, ආනයනය කරන භාණ්ඩය තවත් රටකට අපනයනය කිරීමේදී එය ශ්‍රී ලංකාවේ සිට එවා ඇති බවට ලිඛිතව දැනුම්දීම සිදුවන අතර ශ්‍රී ලංකාවේ ලියාපදිංචි සමාගමක් හරහා අපනයනය සිදුවන බව වාර්තා වේ.
මේ වන විට මෙම අන්තරාළ වෙළෙඳාම ජාවාරම්කරුවන් පිරිසක් විසින් අවභාවිතා කිරීමේ සිදුවීම් කිහිපයක් වාර්තා වී ඇති අතර, ආනයනය කරන භාණ්ඩය වෙනුවට වෙනත් භාණ්ඩයක් ලෙස ලියකියවිලි ව්‍යාජ ලෙස සකස් කර අපනයනය කිරීම මෙහිදී ජාවාරම්කරුවන් විසින් සිදුකර ඇති බව වාර්තා වේ.
රේගුවට ද වංචා සිදුකරමින් මෙලෙස ව්‍යාජ ලියකියවිලි සකස් කර අපනයනය කරන ලද රේගු බහලුම් 04ක් පිළිබඳව මේ වන විට රේගු මධ්‍යම බුද්ධි අංශය විසින් විමර්ශන ආරම්භ කර තිබෙන අතර , ඉන් බහාලුම් 02ක් කොළඹ වරායේ රඳවාගෙන ඇති අතර තවත් බහාලුම් 02ක් මේ වන විටත් විදෙස් රටවලට යවා ඇති බව වාර්තා වේ.
මෙම අන්තරාළ වෙළෙඳාමට අදාළ ජාවාරමට සම්බන්ධ ඇතැම් සමාගම්වල හිමිකරුවන් ඉන්දියානු ජාතිකයින් වීම හේතුවෙන් සිදුකරන විමර්ශනවලට බාධා එල්ල වී ඇති බව වාර්තා වන අතර , පවතින තත්ත්වය හමුවේ ශ්‍රී ලංකාවෙන් අපනයනය කරන බහාලුම් විශේෂ පරීක්ෂාවකට ලක්කිරීමට ඇතැම් රටවල් කටයුතු කරමින් සිටින බව පැවසේ.
රේගු දෙපාර්තමේන්තුව පෙන්වා දෙන්නේ මෙය ශ්‍රී ලංකාවේ භාණ්ඩ අපනයන ක්‍රියාවලියට ඉදිරියේදී බරපතළ තර්ජනයක් විය හැකි බවය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
එමිරේට්ස් ගුවන් සමාගම ශ්‍රී ලංකාව සංචාරකයින් සඳහා විශිෂ්ඨ ගමනාන්තයක් ලෙස ප්‍රවර්ධනය කිරීමට අත්වැල් බැඳ‌ගෙන තිබේ.
ප්‍රවර්ධනය සදහා වූ හවුල්කාරීත්වය පිළිබඳව අදාළ ගිවිසුමට අත්සන් තැබීම පසුගියදා (03) ආරම්භ වූ අරාබි සංචාරක සමුළුවේ දී සිදු කෙරිණ.
මෙම අවස්ථාවට එක්සත් අරාබි එමීර් රාජ්‍යයේ ශ්‍රි ලංකා තානාපති උදය ඉන්ද්‍රරත්න මහතා ද එක්ව සිටියේය.
එමිරේට්ස් මෙරට සංචාරක ක්ෂේත්‍රයේ පුනර්ජීවනය සඳහා විශාල කාර්යභාරයක් ඉටු කර ඇති අතර සංචාරක ක්ෂේත්‍රය වර්ධනය කිරීමට හා ආර්ථිකයට ධනාත්මක බලපෑමක් ඇති කිරීමට ඔවුන් සමඟ කටයුතු කරන බව සංචාරක හා ඉඩම් අමාත්‍ය හරීන් පුනාන්දු මහතා නිකුත් කළ ට්විටර් පණිවුඩයක දැක්වේ.
RN
සටහන – රෂිකා හෙන්නායක
කොළඹ (LNW): පිටකොටුව කදිරේෂන් විදියේ ගබඩාවක තිබියදී , ආනයනකරුවකු හෝ නිෂ්පාදකයෙකුගේ නම සඳහන් නොවන රූපලාවන්‍ය ආලේපන ඇතුළු නිෂ්පාදන විශාල ප්‍රමාණයක් පාරිභෝගික කටයුතු පිළිබඳ අධිකාරිය භාරයට ගෙන තිබේ. එහි වටිනාකම
රුපියල් මිලියන 30 ක් පමණ වන බව පාරිභෝගික කටයුතු පිළිබඳ අධිකාරිය සඳහන් කළේ ය. එම අධිකාරිය පැවසුවේ, දේශීයව නිෂ්පාදනය කළ එම රූපලාවන්‍ය ආලේපන විදේශීය නිෂ්පාදන ලෙස පවසමින් පාරිභෝගිකයින් නොමග යවමින් වෙළෙඳපොළට නිකුත් කිරීම සඳහා සූදානම් කර ඇති බවයි. රසායනාගාර වාර්තා සඳහා මෙම ආලේපනවල සාම්පල යොමු කරන බව පාරිභෝගික කටයුතු පිළිබඳ අධිකාරිය වැඩිදුරටත් පැවසීය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): ජූලි මාසයේදී විදුලි බිල සමාලෝචනය කර සංශෝධනය කරන බව විදුලිබල සහ බලශක්ති අමාත්‍ය කංචන විජේසේකර මහතාට්විටර් පණිවුඩයක් නිකුත් කරමින් පවසයි.
රජයේ ප්‍රතිපත්ති සහ 2022 දෙසැම්බර් මාසයේදී ගත් කැබිනට් තීරණයකට අනුව අදාළ සංශෝධන සිදුකරන බවද අමාත්‍යවරයා වැඩිදුරටත් පවසන අතර, එම තීරණවලට අනුව පිරිවැය මත පදනම් වූ මිල සූත්‍රයක් හඳුන්වාදීමටත් සෑම වසරකම ජනවාරි මාසයේ සහ ජූලි මාසයේ සමාලෝචනය කර සංශෝධනය කිරීමටත් තීරණය කර ඇති බවද පවසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): තිරිගු පිටි කිලෝ ග්‍රෑමයක ආනයන බද්ද රුපියල් දහතුනකින් (රු.13.00) ඉහළ දැමීම නිසා පිටිවල තොග මිල ඉහළ යන බව අත්‍යවශ්‍ය ආහාර ආනයනකරුවන්ගේ සංගමයේ උපදේශක පී.එම්. අබේසේකර පවසයි.
පසුගිය අප්‍රේල් 29 දින මුදල් , ආර්ථික ස්ථායිකරණ සහ ජාතික ප්‍රතිපත්ති අමාත්‍යාංශයේ නියෝජ්‍ය භාණ්ඩාගර ලේකම් ඩබ්ලිව්. ඒ. සරත් කුමාර නිකුත් කළ චක්‍රලේඛයට අනුව පිටි කිලෝග්‍රෑමයක තොග මිල රුපියල් දහතුනකින් පමණ ඉහළ යා හැකි අතර , මෙතෙක් පිටි කිලෝග්‍රෑමයක තොග මිල රුපියල් 195ක පමණ අගයක පැවැතිණි.
එහෙත් තිරිගු ඇට ආනයනය කර පිටි බවට පත් කිරීමේදි මෙම නව තීරුබදු ඊට යටත් නොවන අතර පිටි කර ආනයනය කරනු ලබන තිරිගු පිටි සඳහා මෙම තීරුබදු ඉහළ දැමීම නිසා යළිත් පිටි එකාධිකාරයක් ආරම්භ වන බව තොග වෙළෙන්දෝ පවසති.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
සටහන – රෂිකා හෙන්නායක
කොළඹ (LNW): අද (02) දිනයේ රන් මිලෙහි සීඝ්‍ර අඩුවීමක් දක්නට ලැබෙන බව රන් භාණ්ඩ නිෂ්පාදකයින් පවසයි.
පසුගිය සතියේ රන් මිලට සාපේක්ෂව මෙම සතියේ මේ වන විට රන් මිල තවත් අඩු වී ඇතැයි ඔවුන් පෙන්වා දෙයි.
නව රන් මිල සටහන පහතින්,
රන් අවුන්සය – රු.638,260.00
කැරට් 24 ග්‍රෑම් 1 – රු.22,520.00
කැරට් 24 ග්‍රෑම් 8 (පවුම් 1) – රු.182,150.00
කැරට් 22 ග්‍රෑම් 1 – රු.20,650.00
කැරට් 22 ග්‍රෑම් 8 (පවුම් 1) – රු.165,150.00
කැරට් 21 ග්‍රෑම් 1 – රු.19,710.00
කැරට් 21 ග්‍රෑම් 8 (පවුම්1) – රු.157,650.00
සටහන – රෂිකා හෙන්නායක
කොළඹ (LNW): කිලෝග්‍රෑම් 12.5 ගෘහස්ත ලිට්‍රෝ ගෑස් සිලින්ඩරයක මිල රුපියල් 100කින් පමණ පහළ දමන බව ලිට්‍රෝ සමාගමේ සමාගමේ සභාපති මුදිත පීරිස් මහතා සඳහන් කළේය. එම මිල සංශෝධනය හෙට (03) දිනයේ නිල වශයෙන් නිවේදනය කිරීමට නියමිත බව ද පැවසීය .
“ගිය සැරේ රුපියල් 1005කින් ගෑස් මිල අඩු කළා. හෙට දිනයේ අපි බලාපොරොත්තු වෙනවා නැවත වතාවක් රුපියල් 100කින් පමණ ගෑස් සිලින්ඩරයක මිල අඩු කරන්න. ඒ ගැන නිල නිවේදනය අපි හෙට උදෑසන නිකුත් කරනවා. හෙට මධ්‍යම රාත්‍රියේ සිට ක්‍රියාත්මක වන පරිදි මේක කරන්න තමා අපේ බලාපොරොත්තුව. පොඩි සිලින්ඩර දෙකේ මිලත් එයට සාපේක්ෂව අඩු කරන්න බලාපොරොත්තු වෙනවා.”
