පුවත්

අද (04) දිනයේදී කථානායක මහින්ද යාපා අබේවර්ධන මහතා විසින් පාර්ලිමේන්තුවේ විශේෂ පක්ෂ නායක රැස්වීමක් කැඳවා ඇති බව වාර්තා වේ.

ආණ්ඩුවිරෝධී උද්ගෝෂණ සඳහා සහභාගි වන පුද්ගලයන්ට නොමිලේ බස්රථ ලබාදීමට ලංකා පෞද්ගලික බස් හිමියන්ගේ සංගමය තීරණය කර තිබෙනවා. එම සංගමයේ සභාපති ගැමුණු විජේරත්න මහතා පවසන්නේ කිලෝමීටර් 25 ක උපරිමයකට යටත්ව මෙම බස්රථ ලබාදෙන බවයි.

පවතින ආර්ථික අර්බුදයෙන් ගොඩඒම සඳහා ජාත්‍යන්තර මුල්‍ය අරමුදලේ සහාය ලබා ගැනීමට අදාලව පැවැත්වූ සාකච්ඡා පිළිබඳව තොරතුරු අද පාර්ලිමේන්තුවට ඉදිරිපත් කිරීමට නියමිතය. ඒ පිළිබඳ අමාත්‍යංශයීය ප්‍රකාශයක් පාර්ලිමේන්තුවට ලබාදීමට මුදල් අමාත්‍ය අලි සබ්‍රි මහතා සූදානමින් සිටී.

මේ මොහොතේ ඇතැම් වෘත්තීය සමිති වැඩවර්ජනය කරන්නේ පවතින ආර්ථික අර්බුදය උඝ්ර කිරීමේ දේශපාලන අරමුණ මත බව ජනාධිපති ගෝඨාභය රාජපක්ෂ මහතා පවසයි.

අද (04) පාර්ලිමේන්තුව රැස්වීමට නියමිත අතර රටේ පවතින දේශපාලන අර්බුදය සම්බන්ධයෙන් අද පාර්ලිමේන්තු රැස්වීම ඉතාමත්ම තීරණාත්මක වනු ඇති බව දේශපාලන ආරංචිමාර්ග පවසයි.