දේශපාලන පුවත්

රාජපක්ෂ පවුල්වාදයට එරෙහිව කොතරම් කෑගැසුවත් හිටපු ජනාධිපති මෛත්‍රීපාල සිරිසේන මහතා ද පොළොන්නරුව දිස්ත්‍රික්කය තුළ සිදුකරන්නේ සිරිසේන පවුල්වාදය දියත් කිරීම බව උතුරු මැද පළාත් හිටපු මහ ඇමති පේෂල ජයරත්න මහතා පවසයි.

ත්‍රස්තවාදය වැලැක්වීමේ පනතට විරෝධය පළකරමින් අද (15) කොටුව දුම්රිය පොළ ඉදිරිපිට අත්සන් ලබා ගැනීමේ වැඩසටහනක් පැවැත්වුණි.

"ගල්වලට සහ අසූචිවලට අපහාස කළ අය හෙළාදකිමු" යනුවෙන් ෆේස්බුක් සටහනක් මහජන ආරක්ෂක අමාත්‍ය සරත් වීරසේකර මහතාගේ පුත් සහකාර පොලිස් අධිකාරී, වෛද්‍ය සචිත්‍ර වීරසේකර මහතා විසින් පළකර තිබේ.

ශ්‍රී ලංකාව මෙතෙක් තමන්ගෙන් මුල්‍ය සහයක් ඉල්ලා නැතැයි ජාත්‍යන්තර මුල්‍ය අරමුදල නිල වශයෙන් කියා ඇති නමුත් ආණ්ඩුව IMF සමග සාකච්ඡා කළ බවක් කියන බවත් ඇත්ත කියන්නේ ආණ්ඩුවද එසේ නැතිනම් IMF එකදැයි රටේ ජනතාව දැනගත යුතු බවත් විපක්ෂ නායක සජිත් ප්‍රේමදාස මහතා පවසයි.

2022 අයවැය මගින් යෝජනා කර ඇති අධිභාර බද්ද කිසිසේත්ම සේවක අර්ථසාධක අරමුදලෙන් හෝ එවන් වෙනත් අරමුදලකින් අයකිරීමට තමන් යෝජනා කර නොමැති බව මුදල් අමාත්‍ය බැසිල් රාජපක්ෂ මහතා අවධාරණය කරයි.