දේශපාලන පුවත්

ආණ්ඩුව මීළඟ බලය සඳහා ව්‍යවස්ථා ගැටයකට සූදානම් වන බවක් පෙනෙන්නට ඇති බව හිටපු ජනාධිපති, ශ්‍රී ලංකා නිදහස් පක්ෂ නායක මෛත්‍රීපාල සිරිසේන මහතා පවසයි.

නිශාන්ත සඳබරණ මහතා ඉවත් කිරීමෙන් පුරප්පාඩු වූ ලංකා ලුණු සංස්ථාවේ සභාපති ධුරය හම්බන්තොට නගරාධිපති එරාජ් ප්‍රනාන්දු මහතාට ලබාදීමට නියමිත බව වාර්තා වේ.

වැලිවේරිය, කඩවත, ගම්පහ, නිට්ටඹුව ආදී ප්‍රදේශවල සිට කොළඹට පැමිණෙන බස් රථ කිහිපයක් අද (01) සිට පෑලියගොඩ මැනිං වෙළඳ සංකීර්ණය ආසන්නයෙන් ධාවනය කිරීම ආරම්භ වූ අතර එහි ආරම්භක අවස්ථාවට එක්වෙමින් බස් රථයකට ගොඩවුණු රාජ්‍ය අමාත්‍ය නාලක ගොඩහේවා මහතාට මගීන්ගේ දැඩි විරෝධයක් එල්ල විය.

2015 ජනාධිපතිවරණ සමයේදී දිවිනැගුම සංවර්ධන දෙපාර්තමේන්තුවට අයත් මුදලින් රුපියල් 29,400,000ක් වැයකර මහින්ද රාජපක්ෂ මහතාගේ රුව ඇතුළත් ලිත් ලක්ෂ 50ක් මුද්‍රණය බෙදාහැරීම සම්බන්ධයෙන් ගොනුකර තිබුණු නඩුවෙන් බැසිල් රාජපක්ෂ මහතාව සහ එවකට දිවිනැගුම සංවර්ධන දෙපාර්තමේන්තුවේ අධ්‍යක්ෂ ජනරාල් කිත්සිරි රණවක මහතාව නිදොස්කොට නිදහස් කර තිබේ.

මේ ආණ්ඩුව බලය ගන්න කලින් ගහපු කයිවාරුවල හැටියට ලංකාවේ ජාතික සම්පත් විකුණනවා වෙනුවට ඉන්දියාවේ ඉඩමුත් ලංකාවට ගනී කියා සිතු බවත් අද සිදුවන්නේ රටේ සම්පත් සියල්ල විකුණා දැමීම බවත් විපක්ෂ නායක සජිත් ප්‍රේමදාස මහතා පවසයි.