Tag: අන්තර් විශ්ව විද්‍යාල ශිෂ්‍ය බල මණ්ඩලය

ආණ්ඩුව විසින් ඊයේ දින ජනතා උද්ඝෝෂණ අහෝසි කිරීමට දැරූ උත්සාහයන්ට එරෙහිව අද (25) අන්තර් විශ්ව විද්‍යාල ශිෂ්‍ය බල මණ්ඩලය විසින් මානව හිමිකම් කොමිසමට පැමිණිල්ලක් ඉදිරිපත් කළේය.

අන්තරේ කියන්නේ සටනක් නෙවෙයි. සටන් සම්ප්‍රදායක්. සටන් වල මොහොතක් නෙවෙයි. ඉතිහාසයක්. එහෙම කණ්ඩායමක් GoHomeGota සටනට ගෙන එන්නේ ජවයක් නෙවෙයි ජීවයක්.

අන්තර් විශ්ව විද්‍යාල ශිෂ්‍ය බල මණ්ඩලය විසින් අද (24) කොළඹ කොටුවේ සිට ගෝල්ෆේස් අරගල භුමිය දක්වා විරෝධතා පාගමනක් සංවිධානය කර තිබුණු අතර එම පා ගමන වැලැක්වීම සඳහා අධිකරණ නියෝග ලබා ගැනීමට කළ උත්සාහයද අසාර්ථක වූයෙන් එම ගමන් මාර්ගය ඇතුළු කොළඹ ප්‍රධාන මාර්ග කිහිපයක් අවලංගු කිරීමට රජය කටයුතු යොදා තිබුණද ඔවුන් සිය විරෝධතා පා ගමන අගමැති මහින්ද රාජපක්ෂගේ කොළඹ විජේරාම මාවතේ පිහිටි නිවස කරා වෙනස කර තිබුණි.

අන්තර් විශ්වවිද්‍යාලයීය ශිෂ්‍ය සංගමයේ පාගමන අග්‍රාමාත්‍ය මහින්ද රාජපක්ෂ මහතාගේ කොළඹ විජේරාම මාවතේ පිහිටි නිල නිවස වටකර ඇති බව වාර්තා වේ.

අන්තර් විශ්වවිද්‍යාලයීය ශිෂ්‍ය සංගමය විසින් අද (24) දිනයේදී කොළඹ කොටුවේ සිට ගෝල්ෆේස් අරගල භූමිය කරා යාමට සැලසුම් කර ඇති පාගමන වැළැක්වීම සඳහා පොලිසිය සහ හමුදාව අද පෙරවරුවේ සිට කොළඹ කොටුවේ මාර්ග රැසක් හරස් කර සම්පූර්ණයෙන්ම අවහිර කරමින් ජී. අයි. බට යොදා ස්ථිර මාර්ග බාධක ඉදිකරනු දක්නට ලැබිණි.