Monday, October 3, 2022
spot_img
spot_img

Latest Posts

මම තමයි හොඳටම කළේ – විජේදාස රාජපක්ෂ

2002 වසර වනවිට රුපියල් කෝටි 12,500 කට වඩා වැඩි වත්කම් තිබු ශ්‍රී ලංකා රක්ෂණ සංස්ථාව රුපියල් කොටි 600 කට එවකට පැවති රජය, අරක්කු සමාගමකට විකුණා දමන ලදී.

2007, ජනවාරි මස 12 වන දින මා ඉදිරිපත් කල COPE වාර්තාව අනුව රක්ෂණ සංස්ථාව, ලංකා හොස්පිටල්ස්, වරාය ඉඩම් නැවත රජයට පවරා ගන්නා ලෙසට මා නිර්දේශ කලේ ජීවිත තර්ජන මධ්‍යයේ සහ නිවසට වෙඩි වරුසා එල්ල වෙද්දීය.

ඒවා නැවත පවරා ගැනීමට ශ්‍රේෂ්ඨාධිකරණයේ නඩු පැවරූ විට මහින්ද රාජපක්ෂ රජය ඒවා රජයට පවරා ගැනීමට එරෙහිව වසර 2ක් නඩුව කල් ඇද්දේය. එවකට ශ්‍රේෂ්ඨාධිකරණය ලබාදුන් ඓතිහාසික තීන්දු 2 ක් මත නැවත රජයට ඒවා පවරා ගන්න ලදී. පී.බී. ජයසුන්දරට රුපියල් ලක්ෂ දෙක හමාරක වන්දියක් ගෙවීමට නියම කොට මුදල් අමාත්‍යංශ ලේකම් තනතුරෙන් නෙරපන ලද්දේ එම තීන්දු මගින්ය.

රක්ෂණ සංස්ථාව නැවත ජනතා අයිතියට ලබාදීම වෙනුවෙන්, රක්ෂණ සංස්ථාවේ සේවක මණ්ඩලය මා හට උපහාර දැක්වීම පිණිස උත්සවයක් සංවිධානය කළේය. එම දිනයේදී මා හට රක්ෂණ සංස්ථා භූමියට ඇතුළුවීම තහනම් කළේද එම රජයමයි.

අද දින රක්ෂණ සංස්ථාව රුපියල් බිලියන 73 ක් රක්ෂිතයන්ට බෝනස් ගෙවූ බව දක්වමින් 60 වන සංවත්සරය අභිමානවත්ව සමරයි.

මම රජයට සහ ජනතාවට මෙම අභිමානය ලබා දුන්නේ ජීවිත තර්ජන නොතකා මා සැලූ ලේ දහඩිය කඳුළු වලින් බව මමද අභිමානවත්ව සිහිපත් කරමි. තවද රක්ෂණ සංස්ථාවේ පැවති අරමුදලක තිබූ මුදල් යොදාගෙන ලිට්රෝ ගෑස් සමාගමද ආරම්භ කිරීමට හැකිවූයේ එම නඩු තීන්දුව නිසාය.

  • පාර්ලිමේන්තු මන්ත්‍රී විජේදාස රාජපක්ෂ

UN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.