ලැජ්ජාව පසෙක තබා මේ වසරේදීවත් ආණ්ඩුව නිවැරදි තීන්දු ගත යුතුව ඇතැයි සූර්යබල, සුළං හා ජල විදුලි ජනන ව්‍යාපෘති සංවර්ධන රාජ්‍ය අමාත්‍ය දුමින්ද දිසානායක මහතා පැවසුවේය.
රාජ්‍ය අමාත්‍යවරයා මේ බව සඳහන් කළේ අද (03) නව වසර වෙනුවෙන් ශ්‍රී ලංකා නිදහස් පක්ෂයේ රාජකාරී කටයුතු ආරම්භ කිරීමෙන් අනතුරුව මාධ්‍ය වෙත අදහස් දක්වමිනි.
පසුගිය කාලය තුළ කෘෂිකර්මාන්තය සම්බන්ධයෙන් ගත් තීන්දුව වැරදි තීන්දුවක් නිසා අද වන විට ආහාර හිඟයක් පවා ඇති වීමේ අවදානමක් පවතින හෙයින් එම තීන්දුව ආපස්සට ගන්නවද නැද්ද කියල හිතන්නේ නැතුව නිවරදි දේ කළ යුතු බවයි රාජ්‍ය අමාත්‍යවරයා පැහැදිලි කළේ.
එමෙන්ම සියලුම ගොවීන්ට වන්දි හිමිවිය යුතු බවත් දිසානායක මහතා සඳහන් කරන ලදී.
ආණ්ඩුව තුළ යම් යම් ප්‍රශ්න තිබුණද ශ්‍රී ලංකා නිදහස් පක්ෂයේ වගකීම ඉදිරි කාලයේදී ඉටුකරන බවයි ඔහු වැඩිදුරටත් පැවසුවේ.
ASK