Sunday, February 5, 2023
spot_img

Latest Posts

ආබාධවලට උත්තර හැටියට ලංකාවට එංගලන්තයෙන් ක්ලාක් කෙනෙක්

ශ්‍රී ලංකාවේ ක්‍රීඩකයින් පසුගිය ලෝක සූරතාවලියේදි නිතර ආබාධවලට ගොඳුරු වන අයුරු දකින්නට හැකි විය.ඒ සමහර ආබාධිතයින්ට තිබූ වෙනත් ආබාධ නිසා රටම ආබාධ වන අන්දමේ හැසිරිම් ද ආබාධිත තත්ත්වයට පත් වෙනු දකින්නට ද ලැබිණ.
මේ ආකාරයටම ඉන්දියාව ද ආබාධවලට ගොඳුරුවීම් වැඩි වන තත්ත්වයට පත්ව ඇති නිසා ඔවුන් ඒ සම්බන්ධයෙන් විශේෂ පරීක්ෂණ සිඳු කර නිතර ක්‍රිකට් ක්‍රීඩාව වැඩි බවත්,අයිපීඑල් ද ඊට හේතුවක් බවත් තීරණය කර ඇත.ඉදිරි ලෝක කුසලානය සඳහා විස්සක සංචිතයක් ඒ ආකාරයට වඩා මහන්සි නොගන්වා සංචිත ගත කර තබන්නට මෙන්ම නිරන්තරයෙන් ශාරිරික යෝග්‍යතාවය ගැන පරීක්ෂණ ද,තවත් විද්‍යාත්මකව සිඳු කරන ස්කෑන් පරීක්ෂණ ආදියද හඳුන්වා දෙන්නට තීරණය කර ඇත.
ශ්‍රී ලංකාව ද මේ වන විට භෞත චිකිත්සාව පිළිබඳ ඉහළ දැණුමක් සහිත සුදුසුකම් ඇති එංගලන්ත ජාතික ක්‍රිස් ක්ලාක් ශ්‍රී ලංකා කණ්ඩායමේ ප්‍රධාන භෞත චිකිත්සකවරයා ලෙස කැඳවා ඇත.ඔහු නව තනතුරත් සමඟ මේ වන විට ඉන්දීය සංචාරයට එක් වි ඇත.2023 ජනවාරි පළමු දින සිය තනතුරේ වැඩ අරඹන ක්‍රිස්ට නව වසරේ ශ්‍රී ලංකා ක්‍රීඩකයින්ව කායික ආබාධවලින් තොරව තබන්නට ශක්තිය හා දිරිය ලැබෙනු ඇතැයි අපි අපේක්ෂා කරමු.

RM

Latest Posts

spot_img
spot_img

Don't Miss

Stay in touch

To be updated with all the latest news, offers and special announcements.