ශ්රේණිධාරී වෛද්ය නිළධාරීන්ගේ ස්ථාන මාරු, මෙතෙක් සිදුකළ ක්රමවේදය අනුවම සිදු කරන්නැයි අග්රාමාත්ය මහින්ද රාජපක්ෂ මහතා නිළධාරීන්ට උපදෙස් ලබා දී තිබෙනවා. අගමැතිවරයා පෙන්වා දී තිබෙන්නේ ස්ථාන මාරු ක්රමවේද ඇතැම් නිළධාරීන්ගේ අභිමතය පරිදි වෙනස් කිරීමට යාම හේතුවෙන් අර්බුද මතුවන බවයි.
මෙම ගැටලුව සම්බන්ධයෙන් අගමැතිවරයා සෞඛ්ය අමාත්යංශයේ ඉහළ නිළධාරීන් සමග අද සාකච්ඡා පවත්වා තිබෙනවා. මෙම සාකච්ඡාව සඳහා රජයේ වෛද්ය නිළධාරීන්ගේ සංගමයද සහභාගි වී තිබේ.
එහිදී අගමැතිවරයා පවසා තිබෙන්නේ දේශපාලන මතවාද අනුව යමින් රජය අපහසුතාවයට පත් නොකර වෘත්තීය සමිති සමග සහයෝගයෙන් ආයතන සංග්රහය අනුව කටයුතු කරන ලෙසයි.
වෛද්ය පරිපාලනය ජ්යෙෂ්ට, කණිෂ්ට යනුවෙන් කොටස් දෙකකට බෙදා ක්රියාත්මක නොකර එකම නියැදියක තබා කටයුතු කිරීම සුදුසු බව මෙම සාකච්ඡාවේදී රජයේ වෛද්ය නිළධාරීන්ගේ සංගමය යෝජනා කර තිබෙනවා.
UN
