Thursday, September 29, 2022
spot_img
spot_img

Latest Posts

කිසිම රජයේ තනතුරක් බාරගන්නේ නෑ, පොතක් ලියනවා – පී. බී.

තමන් ජනාධිපති ලේකම් ධුරයෙන් විශ්‍රාම ගැනීමෙන් අනතුරුව රජයේ උපදේශක තනතුරක් හෝ වෙනත් කිසිදු රජයේ වගකීමක් බාර නොගන්නා බව පී. බී. ජයසුන්දර මහතා ප්‍රකාශ කර තිබේ.

තමන් රැකියා විරහිත උපාධිධාරියෙකු නොවන බැවින් තවදුරටත් රජයේ රැකියා අපේක්ෂා නොකරන බවයි ඒ මහතා සඳහන් කර ඇත්තේ.

එසේම ජනාධිපති ලේකම් ධුරයෙන් සමුගැනීමෙන් අනතුරුව තම දීර්ඝ රාජකාරි දිවියේ අත්දැකීම් අළලා ග්‍රන්ථයක් සම්පාදනය කරන බවත් දැනටමත් එහි මූලික පරිච්ඡේද ලියා අවසන් කර ඇති බවත් ඒ මහතා වැඩිදුරටත් ප්‍රකාශ කර ඇත.

එමෙන්ම අභිනව ජනාධිපති ලේකම්වරයා වශයෙන් පත්වීමට නියමිත ගාමිණී සෙනරත් මහතාට තමන් සුබපැතූ බවත් පවසා ඇති ජයසුන්දර මහතා ගාමිණී සෙනරත් යනු මෙම තනතුර දැරීමට අත්දැකීම් සහ හැකියාව ඇති කාර්යක්ෂම නිලධාරියෙකු බවත් ඔහුට අවශ්‍ය ඕනෑම සහායක් පිටත සිට ලබාදීමට තමන් කැමති බවත් සඳහන් කර තිබේ.

ආචාර්ය පී. බී. ජයසුන්දර මහතා මේ බව ප්‍රකාශ කර ඇත්තේ “දේශය” පුවත්පතට ප්‍රකාශයක් ලබාදෙමිනි.

ඒ මහතා පසුගිය දෙසැම්බර් මාසයේදී සිය ඉල්ලා අස්වීමේ ලිපිය ජනාධිපති ගෝඨාභය රාජපක්ෂ මහතා වෙත බාරදී ඇති අතර මේ ජනවාරි මාසය තුළ සිය තනතුරින් ඉවත්වීමට නියමිතය.

RN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.