කොළඹ LNW:අත්‍යවශ්‍ය සේවාවක් ලෙස ඇති විශේෂ ගැසට් නිවේදනයක් මඟින් ප්‍රකාශ කර තිබියදී විදුලිබලය සැපයීමට බාධාකරමින් පසුගිය 03,04,සහ 05 යන දින තුළ වර්ජනය කළ සේවකයන්ගේ සේවය අත්හිටුවා විනය ක්‍රියාමාර්ග ගන්නා ලෙස විදුලිබල හා බලශක්ති අමාත්‍ය කංචන විජේසේකර මහතා විදුලි බල මණ්ඩලයේ සභාපතිවරයාට ලිපියක් යොමුකරමින් දැනුම් දී තිබේ.
මහජන සේවා සපයන කාර්යාල කටයුතු අඩපණ කරමින් කටයුතු කිරීම ගැන මහජන පැමිණිලි අමාත්‍යාංශය වෙත ලැබී ඇති බවයි අමාත්‍යවරයා එම ලිපියේ සඳහන් කර ඇත්තේ.
මේ අතර විදුලි බල මණ්ඩලයේ පාලනාධිකාරිය විසින් පසුගිය 02 වැනිදා සිට සියලු සේවකයින්ගේ නිවාඩු ද අවලංගු කර තිබුණි.
කෙසේවෙතත් එම චක්‍රලේඛ,නියෝග නොතකා විදුලි සේවකයින් උක්ත දින තුන තුළ ලංකා විදුලි බල මණ්ඩලය ප්‍රතිව්‍යුහගත කිරීමට අදාළ නව පනතට එරෙහිව විරෝධය පළ කරන ලදී.
ASK
