LNW (Colombo) : සුළු හා මධ්‍ය පරිමාණ අපනයනකරුවන් ප්‍රවර්ධනය කිරීම සඳහා නව රජයේ ප්‍රතිපත්තිවල ඇති ඵලදායීතාවය, දේශීය ආදායම් දෙපාර්තමේන්තුවේ ආදායම් නිලධාරීන්ගේ ක්‍රියා හේතුවෙන් අඩාල වී ඇත.
අපනයන පිරිවැටුම වැට් බද්දෙන් නිදහස් කර ඇතත් , කුඩා හා මධ්‍ය පරිමාණ අපනයනකරුවන් වැට් බදු ගෙවිය යුතුය. නමුත් එය ගෙවූ පසු ඔවුන් මිලදී ගන්නා අමුද්‍රව්‍ය සඳහා වැට් බදු ආපසු ගෙවීමට, වසර ගණනාවක් බලා සිටීමට සිදු වේ.
මේ අනුව සලකා බලා, අපගේ මව්බිමට වටිනා විදේශ විනිමය ගෙන ඒම සඳහා වැඩි වශයෙන් අපනයන ව්‍යාපාර ප්‍රවර්ධනය කිරීම සඳහා, ඔවුන්ගේ මුදල් ප්‍රවාහයන් ආරක්ෂා කිරීමට සහ ඔවුන්ට උපකාර කිරීමට SVAT යෝජනා ක්‍රමය ක්‍රියාත්මක විය.
කුඩා හා මධ්‍ය පරිමාණ ව්‍යවසායක අංශය මුදල් ප්‍රවාහයෙන් පීඩා විඳිති. අවාසනාවන්ත ලෙස දියුණු රටවල මෙන් මෙම මූලාශ්‍රයෙන් ගෙවන ලද මෙම වැට් බද්ද (ඔවුන්ගේ මිලදී ගැනීම් අපනයනය සඳහා) සාධාරණ කාල රාමුවක් තුළ ශ්‍රී ලංකාව තුළ ආපසු ගෙවනු නොලැබේ.
මෙය තරු පහේ ආර්ථිකයන්හි නීති, එසේම සම්මත කර තරු 3 හෝ සංවර්ධනය වෙමින් පවතින ආර්ථිකයන්හි ක්‍රියාත්මක කිරීමේ තවත් අවස්ථාවකි.
SVAT යෝජනා ක්‍රමය දිගටම කරගෙන යාම සඳහා නව රජය ගෙන ඇති තීරණය අපනයනකරුවන් විසින් සාදරයෙන් පිළිගන්නා නමුත්, දේශීය ආදායම් නිලධාරීන් සැබෑ අපනයනකරුවන්ගේ නව SVAT ලියාපදිංචිය අධෛර්යමත් කිරීමට කටයුතු සලසයි.
ඔවුන් විසින් පැරනි ච්ක්‍රලේඛ පෙන්වමින් මෙතෙක් කල් අපනයනය කර විශාල වශයෙන් වැට් බදු ආපසු ගෙවීම් ලබාගැනීමට නියමිත අපනයනකරුවන්පසුගිය කාර්තුවේඅපනයනය නොකළ බැවින් නොවුන් SVAT ලියාපදිංචි කිරීම වලක්වනු ලැබේ. මෙය කිසිසේත්ම පිළිගත නොහැකි කරුණකි. මක් නිසාද යත්, ඔවුන් පෙර වසර වල අපනයනය කර ඇති අතර, ඉදිරියටත් ඔවුන් සඳහා විශාල විදේශ ඇනවුම් ලැබී ඇත. නමුත් SVAT සඳහා ලියාපදිංචිය නොකිරීම හේතුවෙන් , විශාල ලෙස ආර්ථිකමය පසුබෑමකට ලක්ව ඇත. විශේෂයෙන්ම SVAT ලියාපදිංචි කිරීමේ අංශය විසින් ඔවුන්ව අධෛර්යමත් කරන ලදී.
නමුත් විශාල අපනයනකරුවන් SVAT සඳහා ලියාපදිංචිය කර ඇත. එබැවින් මෙලෙස monopolies in Commodity වෙළඳාමේ (තේ සහ රබර්) ඒකාධිකාරයක් ඇතිවී ඇත. එබැවින්, නව කුඩා අපනයනකරුවන්ට ඇතුල් වීම වළක්වා ඇත.
අපගේ ආර්ථිකය දියුණු කිරීමට නම් අපගේ අපනයනකරුවගේ පුළුල් පදනමක් ඇති කළ යුතුමය. නැතිනම් මෙම ව්‍යාපාරය විශාල අපනයනකරුවන් කිහිප දෙනෙකුට පමණක් සීමා වනු ඇත.
ජනාධිපතිතුමනි, ඔබතුමා මුදල් අමාත්‍යවරයා ලෙස, කාරුණිකව SVAT ලියාපදිංචි කිරීම කඩිනම් කර, කුඩා හා මධ්‍යපරිමාණ අපනයනකරුවන් විසින් ගෙවන ලද වැට් බද්ද ආපසු ගෙවීමට කඩිනම් කරන මෙන් ඉල්ලමු. මෙය ඔවුන්ගේ මුදල් ප්‍රවාහයට විශාල පීඩනයක් ඇති කරන අතර, ඔවුන් තරඟයෙන් ඉවත් කරනු ඇත. එසේ නොමැති නම් ඉදිරි අයවැයේදී අපනයනකරුවන් සම්පූර්නයෙන්ම වැට් බද්දෙන් නිදහස් කරනු ඇතැයි අපි බලාපොරොත්තු වෙමු.
මෙරට මුදල් අමාත්‍යාංශය විහිළුවක් වී ඇත්තේ, එදා SVAT අහෝසි කිරීමට අත එසවූ නිලධාරීන්ම මේ වනවිට නව රජයේ ප්‍රතිපත්තියට අනුවද කටයුතු කරමින් සිටිනු දැකීම නිසාවෙනි. ජනාධිපතිතුමණි, එහෙත් ඔබේ ප්‍රතිපත්ති ක්‍රියාවට නැංවීමට නම් , ඔවුන් විශ්වාස කළ හැකිදැයි කාරුණික ලෙස කල්පනා කළ යුතු දෙයක් බව පවසමු. දේශීය ආදායම් දෙපාර්තමේන්තුව කිසිසේත් රජයේ ප්‍රතිපත්තිවලට සහාය නොදක්වයි. එසේනම් නව රජයේ ප්‍රතිපත්තිවල ප්‍රතිඵල බුක්තිවිදීමට ජනතාවට කොපමණ කාලයක් බලා සිටීමට සිදුවේද? සමහර අදූරදර්ශී නිලධාරීන් නිසා රජය හෑල්ලූවට ලක් වන බවද පවසමු.
මෙම ගැටළු නිරාකරණය කිරීම සඳහා proven track record සහිත සුදුසුකම්ලත් වෘත්තිකයන් පත් කරන ලෙස ඉල්ලා සිටින අතර, කරුණාකර ශාස්ත්‍රීය සුදුසුකම් ලත් මහාචාර්යවරුන් (පොතේ ගුරුන්) පත් නොකළ යුතු බවද කිව යුතුමය.
විශේෂ ලිපිකරුවකු විසිනි.
