ආශිකා බ්රාහ්මණ
කොළඹ LNW:දෙවැනි සහ තෙවන පාසල් වාරවලට අදාළ මොඩියුලර් පිළියෙළ කිරීමේදී මින් ඉදිරියට කිසිදු ශ්රේණියකට වෙබ් සබැඳි ඇතුළු කිරීම සම්පූර්ණයෙන්ම නතර කිරීමට තීරණය කර ඇති බව අග්රාමාත්ය ආචාර්ය හරිනි අමරසූරිය අද (09) පාර්ලිමේන්තුවේදී පැවසුවාය.
ජාතික අධ්යාපන ආයතනයේ ශාස්ත්රිය කටයුතු මණ්ඩලය විසින් මෙම තීරණය ගෙන ඇති බවයි ඇය සඳහන් කළේ.
දැනට මෙම මොඩියුලර් සඳහා ඇතුළත් කර ඇති වෙබ් අඩවි සහ අනෙකුත් මූලාශ්ර සඳහා මුදල් ගෙවීමක් අවශ්ය නොවන ඒවා වන අතර රාජ්ය වෙබ් අඩවි භාවිත කිරීමේදී විනිවිදභාවය වගකීම සහ ප්රසම්පාදනය පිළිබඳ ගැටලුවක් මතු නොවන බව ද ඇය ප්රකාශ කරන ලදී.
නව අධ්යාපන ප්රතිංස්කරණවලට අදාළව 6 ශ්රේණිය සඳහා අලුත්වූ විෂය මලාවන්ට අදාළව ඉංග්රීසි මොඩියුලයේ සඳහන්ව තිබූ වෙබ් සබැඳියක් මුල් කර ගෙන සමස්ත අධ්යාපන ප්රතිසංස්කරණ වෙත පහර පිට පහර එල්ල කරමින් තිබෙන පසුබිමක ප්රස්තුත කාරණය සම්බන්ධයෙන් පැහැදිලි කිරීමට අගමැතිවරිය මල්වතු, අස්ගිරි මහනායක හිමිවරුන් බැහැ දැකීමටද ගියාය.
කෙසේවෙතත් රජයේ පාර්ශවයෙන් අවධාරණය කරන්නේ අඩුපාඩු සකස් කරගමින් ඉදිරියට යාමක් මනිස නව අධ්යාපන ප්රතිසංස්කරණ හකුළා නොගන්නා බවයි.
