ලබන වසරේ මහ මැතිවරණයක් !

Date:

ලබන වසරේ මැද භාගය වනවිට බොහෝදුරට පාර්ලිමේන්තු මැතිවරණයක් පැවැත්වීමට සිදුවනු ඇති බව සමගි ජන බලවේගයේ ජාතික සංවිධායක, පාර්ලිමේන්තු මන්ත්‍රී තිස්ස අත්තනායක මහතා පවසනවා. මහනුවරදී පැවති මාධ්‍ය හමුවකදී අදහස් දක්වමින් මන්ත්‍රීවරයා මේ බව සඳහන් කළේය.

2023 වසර අවසන්වීමෙන් පසුව ජනාධිපතිවරණයක් කැඳවීමටද ජනාධිපතිවරයාට අවස්ථාව හිමිවන බවත් මෙම වසරින් පසු ඕනෑම මොහොතක මැතිවරණයක් පැමිණීමේ හැකියාව තිබෙන බැවින් සමගි ජන බලවේගය ඒ සඳහා සූදානම් වෙමින් සිටින බවයි ඔහු වැඩිදුරටත් පවසන්නේ.

කල්දමා ඇති පළාත් සභා මැතිවරණය මෙන්ම පළාත් පාලන මැතිවරණයද හැකි ඉක්මනින් පවත්වන ලෙස ආණ්ඩුවට අභියෝග කරන තිස්ස අත්තනායක මහතා, එම මැතිවරණවලදී ජනතා බලය පෙන්වීමට සූදානම් බවද පවසනවා.

ඉදිරි ජනාධිපතිවරණයේදී පොදු අපේක්ෂකයෙකු ඉදිරිපත් කිරීමේ කිසිදු බලාපොරොත්තුවක් නොමැති බවත්, 2015 දී එම පාඩම රටම හොඳින් ඉගෙන ගත් බවත් තිස්ස අත්තනායක මහතා සඳහන් කරනවා. 2015 ජනාධිපතිවරණය සඳහා පොදු අපේක්ෂකයෙකු ඉදිරිපත් කර ඉගෙන ගත් පාඩම මතක තිබෙන කිසිවෙකුත් යළිත් එවැනි අත්වැරැද්දක් සිදු නොකරනු ඇති බවද ඔහු පවසයි.

ඉදිරි ජනාධිපතිවරණය සඳහා සමගි ජන බලවේගයේ නායකයෙකු ජනාධිපති අපේක්ෂකයා වනු ඇති බවත් ඒ් සඳහා සියලු දේශපාලන බලවේගවල සහාය ලබා ගැනීම වෙනුවෙන් පක්ෂය මැදිහත්වෙමින් සිටින බවත් මන්ත්‍රීවරයා පවසනවා. සමගි ජන බලවේගය ප්‍රමුඛ සන්ධානය සඳහා එක්වීමට ඕනෑම දේශපාලන පක්ෂයකට, දේශපාලන කණ්ඩායමකට හැකි බවද තිස්ස අත්තනායක මහතා අවධාරණය කරනවා.

UN

Share post:

spot_imgspot_img

Popular

More like this
Related

හිටපු පොහොට්ටු මන්ත්‍රී මනම්පේරිට රැඳවුම් නියෝග

සටහන - රුවන් නෙළුගොල්ල අයිස් මත්ද්‍රව්‍ය නිෂ්පාදනයට යොදාගන්න රසායන ද්‍රව්‍ය...

විදේශ ප්‍රේෂණ ලැබීමේ වර්ධනයක් – මුල් මාස අටට ඩොලර් බිලියන 5 ඉක්මවයි!

කොළඹ LNW: 2025 අගෝස්තු මාසයේදී ශ්‍රී ලංකාවට අමෙරිකානු ඩොලර්...

රුසියාව, යුක්රේනයේ අමාත්‍ය මණ්ඩල ගොඩනැගිල්ලට පහර දේ

සටහන: සශිකලා මධුෂාණි සැප්තැම්බර් මස 07: ලෝකය(අවුට්බවුන්ඩ් ටුඩේ): රුසියාව විසින්...