අභාවප්රාප්ත මාධ්යවේදී දර්ශන හඳුන්ගොඩ මහතාගේ දේහය පිළිබඳ අවසන් කටයුතු අද (ජනවාරි 11) සවස සිදුකිරීමට නියමිතව තිබේ.
ඒ මහතාගේ දේහය අවසන් ගෞරව සඳහා අද පෙරවරු 08.00 සිට පස්වරු 05.00 දක්වා බොරැල්ල Barney Raymond අවමංග්ය ශාලාවේ තැන්පත් කර තැබෙනු ඇත.
ඉන් අනතුරුව අද සවස 06.00 ට ඒ මහතාගේ දේහය පිළිබඳ අවසන් කටයුතු බොරැල්ල පොදු සුසාන භූමියේදී සිදුකිරීමට නියමිතය.
දර්ශන හඳුන්ගොඩ මහතා ශ්රී ලංකාවේ දේශපාලනික VLOG කලාවේ පුරෝගාමියකු වන අතර මුලින් SLVLOG නාලිකාව හරහාත් පසුව SL Deshaya නාලිකාව හරහාත් ඔහු සිදුකළ තියුණු මාධ්ය මැදිහත්වීම සුවිශේෂී එකකි.
සමාජ සාධාරණත්වය වෙනුවෙන් සටන් කිරීම සඳහා ජනතාව අභිප්රේරණය කිරීම උදෙසා ඔහු සිය සමාජ මාධ්ය ක්රියාකාරීත්වය යෙදවූ අතර ඒ නිසාම අවස්ථා ගණනාවකදී රාජ්ය මර්දනයට මුහුණ දීමට ද ඔහුට සිදුවිය.
කලක් තිස්සේ අසනීප තත්වයෙන් පෙළෙමින් ප්රතිකාර ලබමින් සිටි ඔහු ඊයේ (10) උදෑසන කොළඹ ජාතික රෝහලේදී අභාවප්රාප්ත වී තිබිණි.
