ලබන 16 වැනිදා ආරම්භ වන ශ්‍රී ලංකා – සිම්බාබ්වේ එක්දින තරගාවලිය නැරඹීම සඳහා ප්‍රේක්ෂකයන්ට අවස්ථාව ලබාදීමට ශ්‍රී ලංකා ක්‍රිකට් ආයතනය පියවර ගෙන තිබෙනවා. සෞඛ්‍ය බළධාරීන් නිර්දේශ කර තිබෙන්නේ ක්‍රීඩාංගනයේ ධාරිතාවයෙන් 50% කට ප්‍රමාණවත් ප්‍රේක්ෂකයන් පිරිසකට ක්‍රීඩාංගනයට ඇතුළුවීමේ අවස්ථාව ලබාදෙන ලෙසයි.
ඊට අදාලව සෞඛ්‍ය නිර්දේශ කිහිපයක් නිකුත් කර තිබෙනවා. ඒ අනුව තරග නැරඹීමට අවස්ථාව හිමි වන්නේ කොවිඩ් ප්‍රතිශක්තීකරණ එන්නත් මාත්‍රා දෙකම ලබාගෙන දින 14 ක් සම්පූර්ණ කළ පුද්ගලයන්ට පමණි. ඒ බව තහවුරු කිරීම සඳහා එන්නත් කාඩ්පත රැගෙන ඒම හෝ එම කාඩ්පතේ ඡායාරූපයක් ඉදිරිපත් කිරීම අනිවාර්ය වේ.
තරගාවලියේ තරග 03 ම දිවා-රාත්‍රී තරග ලෙස පල්ලෙකැලේ ක්‍රීඩාංගනයේදී පැවැත්වේ. තරගවලට අදාල ප්‍රවේශ පත් නිකුත් කිරීම හෙට දිනයේ සිට ආරම්භ කරන බවයි ක්‍රිකට් ආයතනය පවසන්නේ.
UN
