හෙට දිනයේදී ලෙඩ නිවාඩු වාර්තා කිරීමේ වෘත්තීය ක්‍රියාමාර්ගයක නිරතවීමට විදුලිබල මණ්ඩලයේ ඉංජිනේරුවන් තීරණය කර තිබෙනවා. විදුලිබල මණ්ඩලය සඳහා පත්කළ නව සාමාන්‍යාධිකාරීවරයාට විරෝධය පළකිරීම සඳහා මෙම වෘත්තීය ක්‍රියාමාර්ගයට එළඹෙන බවයි විදුලි ඉංජිනේරු සංගමය පවසන්නේ.
මේ අතර විදුලිබල මණ්ඩලයේ ජ්‍යෙෂ්ට ඉංජිනේරුවන්ගේ සංගමය පවසන්නේ තම සංගමය මෙම වෘත්තීය ක්‍රියාමාර්ගය සඳහා සහාය නොදක්වන බවයි. ඒ අනුව හෙට දිනයේදී තම සංගමය සාමාජිකයන් සුපුරුදු පරිදි සේවයට වාර්තා කරන බව ජ්‍යෙෂ්ට ඉංජිනේරුවන්ගේ සංගමය සඳහන් කරනවා.
UN