සටහන – රෂිකා හෙන්නායක
ජනවාරි 19 කොළඹ (LNW):සෑම ගෘහයකම සිටින සාමාජිකයන්ගේ විස්තර ඡන්ද හිමි නාමලේඛනයට අනුව, පොලිසිය වෙත ලබාගැනීමේ වැඩසටහනක් ඉදිරියේදී ක්රියාත්මක කරන බව, වැඩබලන පොලිස්පති දේශබන්දු තෙන්නකොන් කියා සිටී.
වැඩබලන පොලිස්පතිවරයා පවසන්නේ යම් පුද්ගලයකු පදිංචි අතහැර යන්නේ නම් හෝ අලුතින් නිවෙසකට පදිංචියට පැමිණෙන්නේ නම් එම පුද්ගලයන්ගේ තොරතුරු සියල්ල ප්රජා පොලිස් කමිටු මගින් පොලිසියේ වාර්තා විය යුතු බවයි.
මේ අතර ළමා හා කාන්තා කාර්යාංශයේ ” අයි මැක්” නැමැති විශේෂ ව්යාපෘතිය යටතේ 2023 වසරේ පමණක් බාලවයස්කාර දරුවන්ගේ අසභ්ය වීඩියෝ පට ලක්ෂයකට වැඩි ප්රමාණයක් විවිධ පුද්ගලයන් විසින් සමජ ජාලවලට මුදා හැර ඇති බව සොයාගෙන ඇති බවද වැඩබලන පොලිස්පති දේශබන්ධු තෙන්නකොන් පැවසීය.
වැඩබලන පොලිස්පතිවරයා වැඩිදුරටත් කියා සිටියේ, ඒ අනුව එවැනි අසභ්ය වීඩියෝ පට සමාජ ජාලාවලට ඇතුළත් කළ පුද්ගලයන් පිළිබදව විමර්ශන ආරම්භවී තිබෙන බවත්, ඒ සෑම වීඩියෝවක් සම්බන්ධවම විමර්ශනය කර ඒවා සමාජ ජාලාවලට ඇතුළත් කළ පුද්ගලයන් අත්අඩංගුවට ගැනීම මෙම වසර තුළදී සිදුකරන බවයි.
