පාරිභෝගික අධිකාරිය විසින් ගෑස් බටය සහ රේගියුලේටරය සම්බන්ධයෙන් වන ප්‍රමිති ගැසට් කර තිබුණද තවමත් ගෑස් සංයුතියේ ප්‍රමිතිය පිළිබඳව එවැනි ගැසට් නිවේදනයක් පළකර නැති අතර වහාම එය ක්‍රියාත්මක කළ යුතුව ඇති බව සමඟි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා පැවසුවේය.
එමෙන්ම ගෑස් කාන්දු වීමෙන් සිදු වූ අනතුරු සම්බන්ධයෙන් වන්දි ලබාගෙන දීමේ බලය ඇත්තේද පාරිභෝගික අධිකාරියට වන බවයි මන්ත්‍රීවරයා කියා සිටියේ.
මන්ත්‍රීවරයා මේ බව සඳහන් කළේ අද (20), පාරිභෝගික අධිකාරිය සතු එම බලතල සම්බන්ධයෙන් ඔවුන්ට සිහිපත් කිරීම සඳහා එහි පැමිණි අවස්ථාවේ මාධ්‍ය වෙත අදහස් දක්වමිනි. ඊට පාර්ලිමේන්තු මන්ත්‍රී නලින් බණ්ඩාර මහතාද එක්ව සිටියේය.
පාරිභෝගික අධිකාරිය ජනතාව වෙනුවෙන් එම බලතල භාවිතා නොකරන්නේ නම් ඔවුන්ට එරෙහිව ශ්‍රේෂ්ඨාධිකරණයට යන බවද මන්ත්‍රීවරයා ප්‍රකාශ කළේය.
ASK
