සටහන – රුවන් නෙළුගොල්ල
මාධ්‍යවේදී ප්‍රගීත් එක්නැලිගොඩ මහතා පැහැරගෙන ගොස් අතුරුදන් කර ඊයේ (24) දිනයට වසර 15ක් සපිරුණි.
2010 ජනවාරි 24 වනදා කොළඹ තදාසන්න ප්‍රදේශයකදී පැහැරගෙන යන ලද ඒ මහතා පිළිබඳව මෙතෙක් අධිකරණයක් හමුවේ සත්‍යය අනාවරණය කර යුක්තිය තහවුරු කර නොමැත.
ඒ මහතාගේ බිරිඳ වන සන්ධ්‍යා එක්නැළිගොඩ මහත්මිය ඊයේ දිනයේත් නවගමුව පත්තිනි දේවාලයේදී අධිෂ්ඨාන පූජාවක් පැවැත්වූවාය. ඒ, ප්‍රගීත් එක්නැළිගොඩ මහතා සහ ඒ මහතා මෙන්ම යුක්තිය අහිමිවූ සියල්ලන් වෙනුවෙනි.
ශ්‍රී ලංකාවේ ජන මාධ්‍ය මර්දනය සහ අපරාධ මුක්තිය පිළිබඳ සංකේතයක් වශයෙන් ප්‍රගීත් එක්නැලිගොඩ මහතාගේ ඉරණම අදටත් කවුරුත් දන්නා ප්‍රසිද්ධ රහසක් වශයෙන් යටගසා පවතී.
