ප්‍රකට ව්‍යාපාරිකයෙක් වන නිමල් පෙරේරාගේ ආරක්ෂාව වෙනුවෙන් ප්‍රභූ ආරක්ෂක අංශයේ නිලධාරීන් දෙදෙනෙක් අනුයුක්ත කරලා කියලා ආරංචියි.
නිමල් පෙරේරා දිනපතා ශරීර සුවතා ව්‍යායාම් කරන්න කොළඹ හිල්ටන් හෝටලයේ ජිම් එකට එනවා. දැන් එයා එන්නේ ආරක්ෂක නිලධාරීනුත් එක්ක ලු. ඉතින් හිල්ටන් ජිම් එකේ සාමාජිකයින් හැමෝම වගේ පුදුම වෙලා ඉන්නවාලු මෙයාට කොහොමද ප්‍රභූ ආරක්ෂාවක් ලැබිලා තියෙන්නේ කියලා. විශේෂයෙන්ම ජනාධිපතිගේ, අගමැතිගේ, හිටපු ජනාධිපතිවරුන්ගේ පවා ප්‍රභූ ආරක්ෂාව අඩු කරමින් යන කාලයක ඔය කිසිම ආරක්ෂක තර්ජනයක් නැති නිමල් පෙරේරාට විශේෂ ආරක්ෂාවක් මොකටද කියලා ඒගොල්ලෝ කතා වෙනවා ලු.
කාලයක් රාජපක්ෂ පවුලේ සමීප විශ්වාසවන්තයෙක් හැටියට ඉඳපු නිමල් පෙරේරා දැන් ඉන්නේ රාජපක්ෂලා එක්ක හොඳටෝම තරහින්. ඔහු පාර්ලිමේන්තු මන්ත්‍රී නාමල් රාජපක්ෂට එරෙහිව අල්ලස් කොමිසමට ප්‍රකාශයක් ලබාදෙන්න යාමේ හිලව්වට මෙහෙම විශේෂ ආරක්ෂාවක් ලබාදීලා කියලායි කතාව යන්නේ ….
