සටහන – රෂිකා හෙන්නායක
ජනවාරි 25 කොළඹ (LNW): එකතු කළ අගය මත බද්ද හෙවත් VAT ඉහළ යාම නිසා අමතර කොටස් මිල ද ඉහළ ගොස් ඇති බැවින් ප්‍රවාහන ගාස්තු ඉහළ දැමීමක් අපේක්ෂා කරන බව බහලුම් ප්‍රවාහන රථ සංගම් පවසයි.
මෙලෙස අමතර කොටස් මිල ශීඝ්‍රයෙන් ඉහළ යාම නිසා සැලකිය යුතු පිරිසක් බහලුම් ප්‍රවාහන රථ ප්‍රවාහනයෙන් ඉවත් වී ඇති බව වාර්තා වේ.
එම නිසා ලබන මස පළමුවනදා සිදුවන ඉන්ධන මිල සංශෝධනය ට සමගාමීව ප්‍රවාහන ගාස්තු ද ඉහළ දැමීමටයි ඔවුන් අපේක්ෂා කරන බව දන්වා සිටී.
ඉන්ධන මිල වැඩි වීමක් සිදු නොවන්නේ නම් බොහෝ දුරට ප්‍රවාහන ගාස්තු ද ඉහළ දැමීමක් සිදු නොවනු ඇති බවද පැවසේ.
