ශ්‍රී ලංකාව සහභාගි වන 15 වන බටහිර ආසියානු බේස්බෝල් තරගාවලියේ තරග අද ආරම්භ වීමට නියමිතය.ආරම්භක තරගයේදී සත්කාරක පකිස්තානය සහ ඇෆගනිස්ථානය හමුවන අතර ලෝක ශ්‍රේණිගත කිරීම්වල 45 වන තැන සිටින ශ්‍රී ලංකාවට 77 වන තැන සිටින නේපාලය හමුවන්නේ ඉන් අනතුරුවය
පකිස්තානයේ ඉස්ලාමාබාද් හී පැවත්වෙන මෙවර තරගාවලියට ශ්‍රී ලංකා කණ්ඩායම සහභාගි වන්නේ 14 වන තරගාවලියේ සූරතාවය රැක ගැනිමේ අපේක්ෂාවෙන්ය.මේ වන විට බටහිර ආසියානු බේස්බෝල් සූරයන්ට සීතල සමඟ විශාල සටනක් දීමට සිඳු වී ඇත.දැඩි ශිතල තත්ත්වයක පවතින ඉස්ලාමාබාද් දේශගුණය සම්බන්ධයෙන් පෙර විපරමක් නොකිරිම නිසා ක්‍රීඩකයන් මුහුණ පා ඇත්තේ දැඩි දුෂ්කර තත්ත්වයට ය.ක්‍රීඩා අමාත්‍යංශය සහ බේස්බෝල් සංගමය ද මේ සම්බන්ධයෙන් පූර්ව හඳුනා ගැනීමක් කර තිබුණේනම් මේ තරගාවලියේ අවසන් පුහුණු සැසි නුවරඑළිය රඳැල්ල වැනි තැනක පවත්වන්නට තිබිණ.නැතිනම් අඩුම තරමේ සතියක කාලයකට පෙර හෝ ඉස්ලාමාබාද් වෙත එවන්නට තිබිණ.නමුත් ක්‍රීඩා අමාත්‍යංශයම නිවේදනයකින් පවසන්නේ ගුවන් ටිකට් පත සඳහා මුදල් ලබා දුන්නේ ජනවාරි 23 වන දා බවය.
කෙසේ හෝ ශ්‍රී ලංකාව වර්ථමානය මුහුණ දෙන තත්ත්වය සළකද්දි මේ හීතල කපාගෙන ක්‍රීඩා කරන්නට බේස්බෝල් කණ්ඩායමට ශක්තිය ලැබෙනු ඇත.මෙවැනි දුෂ්කර තැනකට වැටුණු රටක ක්‍රීඩා කිරිම ම මහා විශ්මයක්ය.ඒ විශ්මය ඉටු කරන ශ්‍රී ලංකාවේ බේස්බෝල් කොල්ලන්ට 15 වන ආසියානු කුසලානය ද 14 වන කුසලානය ලබා ගත් ආකාරයෙන්ම රැකගෙන එන්නට LNW සුබ පතන්නෙමු!
RM
