ඉතාලියේ මිලානෝ හි ශ්‍රී ලංකා කොන්සල් ජනරාල්වරිය ලෙස කටයුතු කරමින් සිටියදී අභාවප්‍රාප්ත වූ ජනප්‍රිය ගායිකා නීලා වික්‍රමසිංහ මහත්මියගේ දේහය මෙරටට රැගෙනවිත් තිබේ.
ඊයේ (27) රාත්‍රී 9.00 ට පමණ එම දේහය කටුනායක බණ්ඩාරනායක ජාත්‍යන්තර ගුවන් තොටුපල වෙත රැගෙනවිත් ඇති අතර දේහය භාර ගැනීම සඳහා ඒ මහත්මියගේ සමීප ඥාතීන් සහ විදේශ කටයුතු අමාත්‍යාංශයේ නිලධාරීන් පිරිසක් පැමිණ සිටියහ.
හදිසි හෘදයාබාධයක් හේතුවෙන් ජනවාරි 17 වනදා අභාවප්‍රාප්ත වූ නීලා වික්‍රමසිංහ මහත්මිය ඒ වනවිට 71 වැනි වියේ පසු වූවාය.
ගුවන් තොටුපලට රැගෙන ආ ඒ මහත්මියගේ දේහය පශ්චාත් මරණ පරීක්ෂණය සඳහා මීගමුව දිස්ත්‍රික් රෝහලට යොමුකර ඇති අතර පශ්චාත් මරණ පරීක්ෂණයෙන් පසු කොළඹ, පැපිලියානේ පිහිටි ඒ මහත්මියගේ නිවස කරා රැගෙන යාමට නියමිතය.
RN
